თბილისში, დოლიძის ქუჩაზე ყოფილი ცოლისა და სიდედრის მკვლელობის საქმეზე გამოძიება სპეციალურმა საგამოძიებო სამსახურმა დაიწყო.
გამოძიების დაწყების შესახებ ინფორმაცია "ინტერპრესნიუსს" საგამოძიებო სამსახურში დაუდასტურეს.
არსებული ინფორმაციით, მკვლელობაში ბრალდებული პოლიციელია.
მკვლელობა გვიან ღამით სავარაუდოდ, ცეცხლსასროლი იარაღით მოხდა. მამაკაცმა ყოფილი ცოლი და სიდედრი მოკლა, რის შემდეგაც თვითმკვლელობა სცადა. არსებული ცნობით, მისი ჯანმრთელობის მდგომარეობა მძიმეა.