თინა ბოკუჩავა - „რუსული ოცნება“ ღიად მოუწოდებს სახელმწიფო ინსტიტუტებს, რომ დაარღვიოს საერთაშორისო სანქციების პოლიტიკა - ესაა კიდევ ერთი მტკიცებულება, რომ პრორუსულ საქმეს აკეთებენ

„რუსული ოცნება“ ღიად მოუწოდებს სახელმწიფო ინსტიტუტებს, რომ დაარღვიოს საერთაშორისო სანქციების პოლიტიკა - ესაა კიდევ ერთი მტკიცებულება, რომ პრორუსულ საქმეს აკეთებენ,- ამის შესახებ ფრაქციის „ნაციონალური მოძრაობა- გაერთიანებული ოპოზიცია- ძალა ერთობაშია“ თავმჯდომარე თინა ბოკუჩავამ განაცხადა, რითაც გამოეხმაურა „ქართული ოცნების“ თავმჯდომარის, ირაკლი კობახიძის განცხადებას, რომ ეროვნული ბანკის გადაწყვეტილება, საქართველოს ყოფილი გენერალური პროკურორის, აშშ-ის მიერ სანქცირებული ოთარ ფარცხალაძისთვის საბანკო აქტივებზე წვდომის შეზღუდვასთან დაკავშირებით „პირდაპირ ეწინააღმდეგება საქართველოს კონსტიტუციას“.

ამასთან, როგორც ბოკუჩავა აცხადებს, სასაცილოა მათი განცხადებები ფარცხალაძის დასანქცირების მიზეზების შესახებ მტკიცებულებების არარსებობის თაობაზეც.

„რუსული ოცნება“ ღიად მოუწოდებს ყველა სახელმწიფო ინსტიტუტს, რომ დაარღვიოს საერთაშორისო სანქციების პოლიტიკა, რომელსაც დასავლეთი რუსეთის წინააღმდეგ ატარებს, რაც გასაკვირი არ არის, როცა პრემიერ-მინისტრად წოდებული ღარიბაშვილი რუსეთის უკრაინაში შეჭრის შემდეგ სანქციების პოლიტიკას არაეფექტიანად აცხადებდა და ღიად ამბობდა, რომ საქართველო არ იქნება ამ პოლიტიკის ნაწილი. ეს არის კიდევ ერთი მტკიცებულება, რომ დღევანდელი ხელისუფლება არის ანტიდასავლური და ღიად პრორუსულ საქმეს აკეთებს.

აბსურდულია და ღიმილისმომგვრელი, რომ როცა აშშ ყველა უწყებასთან კოორდინაციით იღებს გადაწყვეტილებას დაასანქციროს ესა თუ ის ადამიანი, მტკიცებულებები კითხვის ნიშნის ქვეშ დააყენოს „რუსულმა ოცნებამ“, სადაც საგამოძიებო უწყებები არ არსებობს და სადაც ყველა უწყება პოლიტიზებულია და დაქვემდებარებულია პარტიულ ვერტიკალს ივანიშვილის ხელში. ღიმილისმგვრელი და სასაცილო იქნებოდა ეს მოთხოვნა ჩვენი ხელისუფლების წარმომადგენელთა მხრიდან, რომ არა ის გარემოება, რომ ივანიშვილი პუტინის დავალებით, ოთარ ფარცხალაძის და სხვა მსგავსი კრიმინალების ხელით ანგრევს ჩვენი ქვეყნის ევროპულ მომავალს. ეს არის ყველაზე მძიმე და სწორედ ამის გამო ხდება მისი უახლოესი გარემოცვის დასანქცირება,“ - განაცხადა ბოკუჩავამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი