საქართველო, შესაძლოა, 6 წამყვან ექსკლუზიურ ქვეყანას შორის უმაღლესი რანგის, ფრირაიდის მსოფლიო ტურის მასპინძელი ქვეყანა გახდეს

საქართველო, შესაძლოა, 6 წამყვან ექსკლუზიურ ქვეყანას შორის უმაღლესი რანგის, ფრირაიდის მსოფლიო ტურის მასპინძელი ქვეყანა გახდეს.

როგორც მთის ტრასების სააგენტოს (MTA) მიერ გავრცელებულ ინფორმაციაშია ნათქვამი, სააგენტოსა და სათხილამურო ფედერაციის ორგანიზებით, საქართველოს ფრირაიდის მიმართულების საერთაშორისო დელეგატები ეწვივნენ. დელეგატებმა მოინახულეს სვანეთი და ადგილზე დაათვალიერეს ის შესაძლო არეალები, სადაც შესაძლებელია თუ არა ჩატარდეს უმაღლესი რანგის, ფრირაიდის მსოფლიო ტური.

„ფრირაიდი ზამთრის სპორტის განსაკუთრებული სახეობაა, რომელიც რთულ და მთიან რელიეფზე გაუკვალავ თოვლში სრიალს გულისხმობს, როგორც თხილამურებით, ასევე სნოუბორდით. საქართველომ კურორტ თეთნულდზე, უკვე ორჯერ უმასპინძლა ფრირაიდის საკვალიფიკაციო ეტაპებს, მასში 20 ქვეყნის 120-მდე სპორტსმენმა მიიღო მონაწილეობა. წარმატებულად ჩატარებულმა ღონისძიებებმა განაპირობა საერთაშორისო ექსპერტების ყურადღება. საქართველო შესაძლოა გახდეს უმაღლესი რანგის, ფრირაიდის მსოფლიო ტურის მასპინძელი ქვეყანა, 6 წამყვან ექსკლუზიურ ქვეყანას შორის“, - ნათქვამია ინფორმაციაშია.

ამასთან, სააგენტოს ცნობით, საბოლოო გადაწყვეტილება საფრანგეთის ქალაქ ანესში სექტემბრის ბოლოს, ფრირაიდის ყოველწლიურ ღონისძიებაზე გახდება ცნობილი.

„ჩვენ აქ ვიმყოფებით თანამშრომლობის ფარგლებში, ქართულ სტუმართმოყვარე მასპინძელ გუნდთან, რათა ჩავატაროთ მთის ინსპექტირება და შევაფასოთ მისი პოტენციალი მოსალოდნელი ფრირაიდის მსოფლიო ტურის შეჯიბრების წინ. საქართველო გვთავაზობს ფანტასტიკურ მთებს, ძალიან კარგი თოვლით. და ახლა, ჩვენ აღმოვაჩინეთ არაჩვეულებრივი სტუმართმოყვარეობა. ვიმედოვნებთ, შევძლებთ გამოვაცხადოთ, რომ საქართველო შეუერთდება ფრირაიდის მსოფლიო ტურის დიდ ოჯახს, ამ ექსკლუზიურ კლუბს“,- განაცხადა ფრირაიდის მსოფლიო ტურის დამფუძნებელმა, ნიკოლას ჰეილ-ვუდსმა.

მთის ტრასების სააგენტოს (MTA) დირექტორის ირაკლი ბურჭულაძის თქმით, ფრირაიდის მსოფლიო ტური 300 მლნ მაყურებელს ფარავს.

„აღნიშნული ღონისძიება უმნიშვნელოვანესი იქნება ზამთრის სპორტისა და ტურიზმის განვითარებისთვის. საქართველო მსოფლიო რუკაზე შესაძლოა კიდევ ერთხელ მოინიშნოს ახალი მიმართულებით, რაც თავის მხრივ ხელს შეუწყობს ქვეყნის ცნობადობის გაზრდას საერთაშორისო მასშტაბით“, - განაცხადა ირაკლი ბურჭულაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024