ირაკლი ქადაგიშვილი - სუს-ის განცხადება არ არის თემების გადაფარვა, ესაა პრევენცია - რამდენი სცენარია, რაც ჩაუვარდათ ან რისი პრევენციაც მოხდა? დღესაც ასეა

სუს-ის განცხადება არ არის თემების გადაფარვა, ესაა პრევენცია - რამდენი სცენარია, რაც ჩაუვარდათ ან რისი პრევენციაც მოხდა? დღესაც ასეა საქმე, ვხედავთ პოლიტიკური ფონის ორკესტრირებულ მომზადებას, - ამის შესახებ ჟურნალისტებთან საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა დესტაბილიზაციისა და სახელმწიფო გადატრიალების თაობაზე სუს-ის განცხადების კომენტირებისას აღნიშნა.

როგორც მან განაცხადა, ოპოზიცია მათ „რუსულ ოცნებას“ იმიტომ უწოდებს, რომ შემდეგ „რევოლუციური სისხლიანი ქმედებები“ გაამართლონ, რეალურად კი როგორც დეპუტატი აცხადებს, „ქართული ოცნება“ ყველაფერს აკეთებს სტატუსის მისაღებად.

„ეს არ არის არც ერთი თემის გადაფარვა, ესაა პრევენცია იმის, რისი გამოყენების მცდელობაც მათ არსენალში ხშირად ყოფილა. უსაფრთხოების სამსახურს რომ წინასწარ გაეკეთებინა განცხადება, რომ სააკაშვილი კონტეინერით შემოპარებას აპირებდა, ხომ იქნებოდა ოპოზიციის მხრიდან მასხრად აგდების მთელი სერია, მაგრამ ფაქტია, ეს შედგა. უსაფრთხოების სამსახურმა და სამართალდამცავებმა გამოიძიეს ისიც, რომ ესკალაციის მიზნით, მაგალითად, თარგამაძეს აფეთქებდნენ, კაცი ჩამოვიდა უკრაინიდან, ააფეთქა თარგამაძის მანქანა და ისევ უკრაინაში წავიდა და ძებნაზეა დღესაც დაყენებული. რამდენი ასეთი სცენარია, რაც ჩაუვარდათ ან რისი პრევენციაც მოხდა? დღესაც ასეა საქმე, რადგან ვხედავთ ორკესტრირებულ, პოლიტიკური ფონის მომზადებას. აქ უნდა იძახონ „რუსული ოცნება“ და ამით ე.წ. რევოლუციური სისხლიანი ქმედებები გაამართლონ. ხომ ვხედავთ, უკრაინაში, ასევე ზოგიერთი ევროპარლამენტარი პირდაპირ ამბობს, რომ საქართველოს ევროკავშირისკენ მიმავალ გზაზე არავითარი პერსპექტივა არ აქვს. ყველაფერი ხელის გულზე ჩანს. საქართველოს სულ სხვა დღის წესრიგი აქვს, ის 4 კომპონენტიც დასასრულისკენ მიდის ფაქტობრივად. არ რჩება არავითარი წინაპირობა, რომ საქართველომ დამსახურებულად არ მიიღოს სტატუსი,“ - განაცხადა ქადაგიშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი