თსუ-ს სტუდენტური საცხოვრებლის პროექტირების ყველა ეტაპი დასრულდა და სამშენებლო სამუშაოებზე ტენდერი გამოცხადდა

თბილისის სახელმწიფო უნივერსიტეტის სტუდენტური საერთო საცხოვრებლის გამაგრება-რეაბილიტაციის ექვსთვიანი პროექტირების ეტაპი დასრულდა და უკვე გამოცხადდა შენობის მშენებლობა-რეაბილიტაციისთვის შესაბამისი ტენდერი, რომლის დასრულების შემდეგ, გამარჯვებული კომპანია კონკრეტულ სამშენებლო სამუშაოებს დაიწყებს.

თბილისის სახელმწიფო უნივერსიტეტის ინფორმაციით, 300-მდე სტუდენტზე გათვლილი საერთო საცხოვრებელი თსუ მაღალი ენერგიების ფიზიკის ინსტიტუტის ტერიტორიაზე განთავსება და სრულად დააკმაყოფილებს თანამედროვე სტანდარტებს. შენობაში განთავსდება კვების ობიექტი, მოეწყობა სოციალური სივრცე, ბიბლიოთეკა, ასევე განთავსდება სპორტული აქტივობებისთვის საჭირო ინფრასტრუქტურა.

ახალი საცხოვრებლის ტერიტორია თსუ რექტორმა ჯაბა სამუშიამ, უნივერსიტეტის ადმინისტრაციის ხელმძღვანელთან ლაშა საღინაძესთან და ადმინისტრაციის სხვა წარმომადგენლებთან ერთად დაათვალიერა.

„რამდენიმე თვის წინ გამოვაცხადეთ ტენდერი უნივერსიტეტის საერთო საცხოვრებლის გამაგრება-რეაბილიტაციის პროექტის შემუშავებაზე. გამარჯვებულმა კომპანიამ დაასრულა პროექტირების ყველა ეტაპი და დღეს უკვე გამოვაცხადეთ ტენდერი, როგორც შენობის გამაგრებაზე, ასევე ცალკეული ნაწილის რეაბილიტაციაზე. ვფიქრობთ, რომ გარკვეული პერიოდის შემდეგ თბილისის სახელმწიფო უნივერსიტეტს შეემატება ახალი სტუდენტური საცხოვრებელი,“- განაცხადა თსუ რექტორმა ჯაბა სამუშიამ.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა