ხატია დეკანოიძე - „ქართული ოცნება“, რომელიც აძლიერებს რუსულ გავლენას საქართველოში, არ გამოიძიებს ოთარ ფარცხალაძის საქმეს - ხელისუფლებას არ აქვს პასუხი მძიმე ბრალდებებზე და პროპაგანდის იმედი აქვს

„ქართული ოცნება“, რომელიც აძლიერებს რუსულ გავლენას საქართველოში, არ გამოიძიებს ოთარ ფარცხალაძის საქმეს - ხელისუფლებას არ აქვს პასუხი მძიმე ბრალდებებზე და პროპაგანდის იმედი აქვს, - ამის შესახებ ჟურნალისტებთან “ევროოპტიმისტების“ დეპუტატმა ხატია დეკანოიძემ განაცხადა.

როგორც მან აღნიშნა, საქართველოს ყოფილი გენერალური პროკურორის, ოთარ ფაცხალაძის წინააღმდეგ ბრალდებებზე ობიექტური გამოძიება მხოლოდ ხელისუფლების ცვლილების შემდეგ იქნება შესაძლებელი.

„საქართველოს ხელისუფლება, საგამოძიებო უწყებები, ივანიშვილი, ყველა ის ადამიანი, რომელიც იღებს მასთან ერთად გადაწყვეტილებას, არის ფარცხალაძის მრწამსის და იდეოლოგიის გამზიარებელი. „ქართული ოცნება“, რომელიც აძლიერებს რუსულ გავლენას საქართველოში, რა თქმა უნდა, არ გამოიძიებს ოთარ ფარცხალაძის საქმეს, რომლის წინააღმდეგ აშშ-მა დააწესა სანქციები და რომელზეც სპეცსამსახურები, რა თქმა უნდა, ფლობენ მნიშვნელოვან ინფორმაციას და დადეს მნიშვნელოვანი მტკიცებულებები. ოთარ ფაცხალაძის საქმეზე ობიექტური გამოძიება დადგება მაშინ, როცა არჩევნებით ეს ხელისუფლება ჩამოსცილდება ძალაუფლებას,“ - განაცხადა დეკანოიძემ.

რაც შეეხება სუს-ის განცხადებას სახელმწიფო გადატრიალების მომზადების თაობაზე, დეკანოიძის თქმით, აღნიშნული, გარდა იმისა, რომ სტატუსზე უარის თქმის შემთხვევაში მოსალოდნელო აქციების დისკრედიტაციას ისახავს მიზნად, ასევე არის მცდელობა, ფარცხალაძის დასანქცირებიდან და ღარიბაშვილთან დაკავშირებით კორუფციული ბრალდებებიდან ყურადღება გადაიტანონ.

„სუს- ის განცხადება ეხმაურება ღარიბაშვილის კორუფციულ ბრალდებებს და ფარცხალაძის დასანქცირებას. ხელისუფლებას არ აქვს პასუხი ამ ძალიან მძიმე ბრალდებებზე - კორუფციასა და „ეფესბეს“აგენტობაზე და აქვთ იმედი, რომ პროპაგანდას ამ კუთხით გადაიტანენ, რაც არის მცდარი წარმოდგენა. ჩვენ არაერთხელ გვინახავს დაწყებული საქმეები სახელმწიფო გადატრიალების ბრალდებით და შემდეგ არც ერთი გამოძიება არ იქნა ბოლომდე მიყვანილი,“ - განაცხადა დეკანოიძემ.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის