შალვა კერესელიძე - სტიქიის პრევენციის და რისკების შემცირების მიზნით, მდინარეების და ხევების კალაპოტების გაწმენდა, პრიორიტეტად უნდა განისაზღვროს

საპარლამენტო პოლიტიკური ჯგუფის, „საქართველოსთვის“ წევრის შალვა კერესელიძის განცხადებით, სტიქიის პრევენციის და რისკების შემცირების მიზნით, მდინარეების და ხევების კალაპოტების გაწმენდა პრიორიტეტად უნდა განისაზღვროს.

ამის შესახებ კერესელიძემ პარლამენტის პლენარულ სხდომაზე სიტყვით გამოსვლისას განაცხადა.

დეპუტატის თქმით, რეგიონული განვითარებისა და ინფრასტრუქტურის, ეკონომიკის, გარემოს დაცვისა და სოფლის მეურნეობის სამინისტროებმა ადგილობრივ თვითმმართველობებთან კოორდინირებული თანამშრომლობით, კანონის დონეზე უნდა შეიმუშაონ მიდგომა, რომლის თანახმადაც მუნიციპალიტეტის მერიებს შესაძლებლობა მიეცემათ მარტივად და ნაკლები ბიუროკრატიით, მცირე ხევების და კალაპოტების გაწმენდითი სამუშაოების ჩაატარონ და ამოღებული ინერტული მასალები, სოფლებში საგზაო ინფრასტრუქტურის პრობლემების მოსაგვარებლად გამოიყენონ.

„მოვუწოდებ საქართველოს მთავრობას - 2024 წლის სახელმწიფო ბიუჯეტის ფორმირების პროცესში ყველა შესაბამისმა უწყებებმა და ადგილობრივმა თვითმმართველობებმა ინფრასტრუქტურული პროექტების ფორმირების დროს პრიორიტეტად გაითვალისწინონ მდინარეების და ხევების კალაპოტების, ნაპირსამაგრების, გაბიონების და სანიაღვრე არხების მოწყობისა და გაწმენდითი სამუშაოების განხორციელება“,- განაცხადა შალვა კერესელიძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი