ალექსანდრე რაქვიაშვილი - უკეთესი იქნება, პაუზა ავიღოთ, ცოტა ხანი დავისვენოთ და იქნებ, გაიაზროთ თქვენი ქცევა - იქნებ, ყველა სახლში წავიდეთ და თქვენი კანონები არ მივიღოთ, რადგან ამისგან კარგი არაფერი გამოდის

ისეთ სიტუაციაში ხართ, რომ რასაც აკეთებთ ყველაფერი ცუდი გამოდის, ყველაფერი უარესობისკენ მიდის და სულ მცირე, არაფერი რომ არ გააკეთოთ, უკეთესი იქნება - იქნებ, პაუზა ავიღოთ, ყველა წავიდეთ სახლში, ოჯახთან დრო გავატაროთ და თქვენი კანონები არ მივიღოთ იმიტომ, რომ ამისგან მერე არაფერი კარგი არ გამოდის, შემდეგ ამ შეცდომების გამოსწორება თქვენ გიწევთ, - ასე მიმართა პარტია „გირჩის“ წევრმა ალექსანდრე რაქვიაშვილმა „ქართული ოცნების“ დეპუტატებს პარლამენტის პლენარულ სხდომაზე .

მისი თქმით, თუ რაიმე რეპუტაცია დარჩა პარლამენტს, „ქართული ოცნება“ იმასაც აკნინებს და ამიტომ, სჯობს, რომ არაფერი გააკეთონ.

„მინდა მივმართო „ქართული ოცნების“დეპუტატებს - არის ხოლმე ვითარება, როდესაც სწორი გადაწყვეტილების მიღება ძალიან მარტივია. საკმარისია, უბრალოდ, არაფერი გააკეთოთ და უფრო უკეთესი იქნება, ვიდრე ის, რასაც აკეთებთ. რამდენიმე მაგალითს მოგიყვანთ, „თავდაცვის კოდექსი“ რომ ავიღოთ - ნახევარი წელია წვალობთ და იმდენად საშინელი კანონია, რომ ვერცერთ დისკუსიაში ვერ შემოხვედით და სულ ტყუილებით იცავდით თავს. ბოლოს პროცედურული ომი დაიწყო 88-კაციანმა უმრავლესობამ 4 დეპუტატის წინააღმდეგ, იმიტომ, რომ უბრალოდ ვერ შეძელით დისკუსიაში დაგეცათ პოზიცია და მხარს არავინ გიჭერთ ამ პარლამენტში.

ახლა აპირებთ კანონის განხილვას, რომელიც რეგლამენტის სრული ცინიკური დარღვევაა, რომელსაც არანაირი შინაარსი არ ექნება და ამით, თუ რამე რეპუტაცია დარჩა პარლამენტს, იმასაც აკნინებთ, იმ რეგლამენტს, რომელსაც ოდესღაც თქვენ ასეთ პატივს სცემდით. ხომ ჯობია, რომ არაფერი გააკეთოთ, უკეთესი იქნება. კანონებს რომ შევეშვათ, თქვენივე პრემიერი ისე დაიცავით, რომ სასაცილო გახადეთ. სერიოზულად გვიმტკიცებდით: ღატაკი პრემიერი გვყავს, რომელსაც მამა არდადეგებს უფინანსებს. ამას ამტკიცებდით და ხომ სჯობდა, რომ არაფერი გეთქვათ, უკეთესი ხომ იქნებოდა?! ისეთ სიტუაციაში ხართ, რომ რასაც აკეთებთ, ყველაფერი ცუდი გამოდის, ყველაფერი უარესობისკენ მიდის და სულ მცირე, არაფერი რომ არ გააკეთოთ უკეთესი იქნება და იქნებ, რაღაც პაუზა ავიღოთ. ყველა წავიდეთ სახლში, ოჯახთან დრო გავატაროთ და თქვენი კანონები არ მივიღოთ იმიტომ, რომ ამისგან მერე არაფერი კარგი არ გამოდის. შემდეგ ამ შეცდომების გამოსწორება თქვენ გიწევთ. ეროვნული ბანკი არაკონსტიტუციურად იქცევაო. თურნავა რომ დაგენიშნათ დე-ფაქტო თავი ხომ მოიკალით, ამისთვის კანონი შეცვალეთ და მთელი ამბავი იყო და ახლა გამოდის, რომ თქვენივე არჩეული საბჭო, რომელიც ასი პროცენტით თქვენ გემორჩილებათ, კონსტიტუციას არღვევს, თქვენს კონსტიტუციას? ეს როგორ გამოვიდა საერთოდ? ხომ ისევ და ისევ თქვენი პრობლემაა ეს?! უკეთესი იქნება თქვენთვისაც, ჩვენთვისაც, ქვეყნისთვისაც, რომ საკანონმდებლო საქმიანობაში პაუზა ავიღოთ, ცოტა ხანი დავისვენოთ და იქნებ, გაიაზროთ თქვენი ქცევა“, -განაცხადა ალექსანდრე რაქვიაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024