მედეა მეტრეველი - კულტურის სამინისტრომ საზოგადოებასთან კომუნიკაცია სრულად შეწყვიტა - პარლამენტში მინისტრის წარდგენისას დეპუტატების მიერ ყველა კითხვა უნდა გაჟღერდეს

პარტია „ლელო საქართველოსთვის“ წევრის, მედეა მეტრეველის განცხადებით, კულტურის სამინისტრომ, რომელიც ერთ-ერთ ყველაზე დახურულ და ჩაკეტილ უწყებად ჩამოყალიბდა, სრულად შეწყვიტა კომუნიკაცია საზოგადოებასთან, „რომელსაც მასთან მრავალი კითხვა დაუგროვდა რეპრესიული საკადრო პოლიტიკის, ნგრევის პირას მიყვანილი კულტურული მემკვიდრეობის ძეგლების თუ გაუმჭვირვალე მმართველობასთან დაკავშირებით“.

როგორც მეტრეველმა საკუთარ „ფეისბუქ“ გვერდზე დაწერა, ეს კითხვები არსებობს და საზოგადოება მათზე პასუხებს ელის.

„20 სექტემბერს კულტურის მინისტრის პარლამენტში წლიური ანგარიშით წარდგენის პარალელურად ხელოვანების მიერ დაგეგმილი საპროტესტო აქცია ამის ნათელი დასტურია. ყველა კითხვა უნდა გაჟღერდეს როგორც აქციაზე, ასევე სხდომათა დარბაზში დეპუტატების მიერ, რომლებიც მოსახლეობის ხმას წარმოადგენენ საკანონმდებლო ორგანოში. გთხოვთ, თუ გაქვთ კონკრეტული კითხვები, რომლებიც თვლით, რომ აუცილებლად უნდა დაუსვათ მინისტრს, პირადში ან აქვე კომენტარად მომწერეთ, რათა ოპოზიციონერ დეპუტატებს მივაწვდინოთ მინისტრის რომ დაუსვან საჯაროდ“,- წერს დეა მეტრეველი.

ცნობისთვის, პარლამენტში, კულტურის, სპორტისა და ახალგაზრდობის მინისტრს თეა წულუკიანს 20 სექტემბერს, მოუსმენენ. წულუკიანი პარლამენტში „მინისტრის საათის“ ფორმატში მივა.

მინისტრი გაწეული საქმიანობის ანგარიშს წარადგენს, რის შემდეგაც დეპუტატთა კითხვებს უპასუხებს. პარლამენტის პლენარულ სხდომაზე გაიმართება პოლიტიკური დებატები.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
წინანდლის მამული Grand Jury Du Vin-ის ღვინის სიმპოზიუმს უმასპინძლებს
ვანო ჩხარტიშვილი - მამუკა ხაზარაძისა  და ბადრი ჯაფარიძის მიმართ, რომლებიც „ლელოს“  უნიჭო კამპანიის უკან დგანან, ჩვენი მხრიდან სამართლებრივი რეაგირება იქნება
„დანკინის“ ბარისტათა საერთაშორისო კონკურსზე საუკეთესო ყავის მომზადებისთვის ქართველი ბარისტა დააჯილდოვეს
კომპანია „ავერსი“ ფარმაცევტებს პროფესიულ დღეს ელოცავს