ირაკლი კირცხალია - უკვე მესამე წელია ჩვენი ქვეყნის ბიუჯეტი იზრდება

რამდენიმე დღის წინ, ყველამ მოვუსმინეთ მთავრობის ინიციატივას ბიუჯეტის ზრდასთან დაკავშირებით, რომელიც 500 მილიონით იზრდება წელს - ცნობისათვის, უკვე მესამე წელია ჩვენი ბიუჯეტი იზრდება ქვეყანაში, - ამის შესახებ საპარლამენტო უმრავლესობის წევრმა ირაკლი კირცხალიამ პარლამენტის პლენარულ სხდომაზე განაცხადა.

დეპუტატმა თავის გამოსვლაში ქვეყნის ეკონომიკურ მაჩვენებლებზე გაამახვილა ყურადღება და აღნიშნა, რომ „ქვეყნის ეროვნული რეზერვები ისტორიულ მაქსიმუმზეა“.

„ქვეყნის მთლიანი შიდა პროდუქტი წელს არის 80 მლრდ ლარი, რომელიც ბოლო 3 წელიწადში 30 მლრდ ლარით არის გაზრდილი. საგარეო ვალი მთლიან შიდა პროდუქტთან თანაფარდობაში 2 წლის წინ თუ იყო 60% - იან კრიტიკულ ზღვარზე, 2 წლის თავზე, 38%-მდე არის ჩამოსული. მთლიანი შიდა პროდუქტი რომ დავაკონვერტიროთ თითოეულ მოქალაქეზე 8000 დოლარიან ნიშნულს მივუახლოვდებით წლის ბოლოს. ქვეყნის ეროვნული რეზერვები არის ისტორიულ მაქსიმუმზე და 5,5 მლრდ დოლარია. ასევე, ისტორიულ მაქსიმუმზეა კომერციულ ბანკებში განთავსებული დეპოზიტები და ბოლო 10 წლის განმავლობაში მინიმუმ 10-ჯერ არის გაზრდილი. თუ იყო 2 მლრდ ლარში და 2 მლრდ დოლარში 2012 წელს, დღეს არის 22 მლრდ ლარში და 23 მლრდ დოლარში. რაც შეეხება საგარეო პირდაპირ ინვესტიციებს, წინა წელთან შედარებით 29%-ით არის გაზრდილი და მხოლოდ ამ წლის მეორე კვარტალში 505 მლნ შეადგინა“, - განაცხადა ირაკლი კირცხალიამ.

როგორც დეპუტატმა აღნიშნა, ეკონომიკის პოზიტიური ზრდა საქართველოს ევროინტეგრაციის გარდაუვალი წინაპირობაა.

მისივე თქმით, აღნიშნული ეკონომიკური მაჩვენებლები მთავრობის სწორი პოლიტიკის შედეგია.

„მინდა საზოგადოებას მივმართო და ვუთხრა, მეგობრებო, ჩვენო მოქალაქეებო, ეს პოლიტიკა გაგრძელდება მტკიცედ და მყარად და ჩვენი ქვეყანა საბოლოოდ იმ ოჯახში გაწევრიანდება, რომელზეც მთელი ქვეყანა ვიღვწით“, - განაცხადა ირაკლი კირცხალიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024