ცესკოს თავმჯდომარის ოპოზიციის კვოტით წარდგენილი მოადგილის თანამდებობა უქმდება

ცესკოს თავმჯდომარის იმ მოადგილის თანამდებობა უქმდება, რომელზეც პირი ცესკოს პარტიულ წევრთაგან ინიშნება და რომელიც საკუთრივ ოპოზიციის კვოტას წარმოადგენს.

ეს სიახლე უკვე ასახულია პარლამენტის მიერ პირველი მოსმენით მიღებულ საარჩევნო კანონმდებლობაში დაგეგმილ ცვლილებების პროექტში.

როგორც “ინტერპრესნიუსს“ “ქართული ოცნების“ დეპუტატმა გივი მიქანაძემ განუცხადა, კანონპროექტში შესაბამისი ცვლილების ასახვის გადაწყვეტილება უმრავლესობის სხდომაზე მიიღეს, რადგან როგორც ცესკოს თავმჯდომარე, ასევე ცესკოს მდივანი და მოადგილე არა პარტიული ნიშნით დანიშნული ადამიანები, არამედ პოლიტიკური ნეიტრალიტეტის ნიშნით შერჩეული პირები უნდა იყვნენ.

„არც ერთ დემოკრატიულ სისტემაში ცესკოს თავმჯდომარის მოადგილე პარტიული ნიშნით არჩეული არ არის. ეს არის მახინჯი პრაქტიკა, რომელიც გარკვეული შეთანხმების შედეგი იყო და რომელმაც რეალურად აჩვენა, რომ ეს სამართლებრივად გაუმართავია. ამიტომ ამ სიმახინჯის აღმოფხვრის გადაწყვეტილება მივიღეთ. კანონმდებლობაში აისახება ის, რაც სამართლებრივად გამართული უნდა იყოს. ამაზეც ჩვენ ვენეციის კომისიას ვეკითხებით და ვნახავთ, როგორი იქნება მათი დასკვნა“, - ეს განცხადება კი გივი მიქანაძემ პარლამენტის პლენარულ სხდომაზე გააკეთა.

პარლამენტმა, პირველი მოსმენით, საარჩევნო ცვლილებათა პაკეტი მიიღო, რომელიც ცესკოს წევრებისა და ცესკოს თავმჯდომარის არჩევის წესის ცვლილებას ითვალისწინებს.

საარჩევნო კანონმდებლობასა და პარლამენტის რეგლამენტში შესატან ცვლილებებს 81-მა დეპუტატმა დაუჭირა მხარი. „ქართული ოცნების“ ინფორმაციით, პირველი მოსმენით მიღებული კანონპროექტი დასკვნისთვის ვენეციის კომისიაში გაიგზავნება.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის