ფინანსთა სამინისტრო აბსურდულსა და ცილისმწამებლურს უწოდებს განცხადებებს იმის შესახებ, თითქოს, „ოთარ ფარცხალაძე მართავს და აკონტროლებს სამინისტროს სამსახურებს და უზრუნველყოფს სანქცირებული ტვირთების გადაადგილებას“

საქართველოს ფინანსთა სამინისტრო აბსურდულსა და ცილისმწამებლურს უწოდებს განცხადებებს იმის შესახებ, თითქოს, „ოთარ ფარცხალაძე მართავს და აკონტროლებს ფინანსთა სამინისტროს სამსახურებს და უზრუნველყოფს სანქცირებული ტვირთების შეუფერხებლად გადაადგილებას“.

როგორც უწყების განცხადებაშია აღნიშნული, „ნაციონალური მოძრაობა“ და მასთან დაკავშირებული პოლიტიკური ჯგუფები მიზანმიმართულად აზიანებენ სახელმწიფოს ინტერესებს და შეგნებულად, ჩრდილს აყენებენ ქვეყნის რეპუტაციას.

„მაღალი საჯარო ინტერესიდან გამომდინარე, ფინანსთა სამინისტრო ეხმაურება „ერთიანი ნაციონალური მოძრაობისა“ და მასთან დაკავშირებული პოლიტიკური ჯგუფების მიერ გაკეთებულ მორიგ აბსურდულ და ცილისმწამებლურ განცხადებებს იმის შესახებ, თითქოს, „ოთარ ფარცხალაძე მართავს და აკონტროლებს ფინანსთა სამინისტროს სამსახურებს და უზრუნველყოფს სანქცირებული ტვირთების შეუფერხებლად გადაადგილებას".

საზოგადოებას შევახსენებთ, რომ სწორედ ეს პოლიტიკური ჯგუფი და მასთან დაკავშირებული ორგანიზაციები, წელიწადზე მეტია, მიზანმიმართულად აზიანებენ ჩვენი სახელმწიფოს ინტერესებს და შეგნებულად, ჩრდილს აყენებენ ქვეყნის რეპუტაციას, დაუსაბუთებლად ამტკიცებენ რა, რომ საქართველო არღვევს საერთაშორისო სანქციებს.

ფინანსთა სამინისტრო, კიდევ ერთხელ, სრული პასუხისმგებლობით აცხადებს, რომ საქართველო ეფექტურად განაგრძობს საერთაშორისო სანქციების აღსრულების მიმართულებით შესაბამისი ღონისძიებების გატარებას. სამინისტროს ყველა შესაბამის სამსახურს, აქვს მუდმივი კონსულტაციები ჩვენი პარტნიორი ქვეყნების კომპეტენტურ უწყებებთან.

საქართველოს წარმატებული მუშაობა სანქციების აღსრულების მიმართულებით, აღიარებულია ყველა პარტნიორი ქვეყნის მიერ უმაღლეს დონეზე და მიუხედავად ამისა, კვლავაც არ წყდება ყალბი ინფორმაციების გავრცელება პოლიტიკურად მოტივირებული პირების მიერ.

საზოგადოებისთვის, ასევე, ცნობილია ის პოზიტიური შეფასება, რაც ფინანსთა სამინისტრომ სანქციების აღსრულების ნაწილში დაიმსახურა ევროკავშირის სპეციალური წარმომადგენლის, დევიდ ო'სალივანის, აშშ-ის სახელმწიფო დეპარტამენტის სანქციების კოორდინაციის ოფისის ხელმძღვანელის, ჯეიმს ო'ბრაიენისა და გაერთიანებული სამეფოს საგარეო, თანამეგობრობისა და განვითარების საქმეთა ეკონომიკის, მეცნიერებისა და ტექნოლოგიების გენერალური დირექტორის, კუმარ აიერის ვიზიტის დროს.

მიუხედავად ამ აბსურდული განცხადებებისა, რომლებსაც აქვთ კონკრეტული, ვიწროპარტიული ამოცანები, ფინანსთა სამინისტრო და მისი სამსახურები, კვლავ, წარმატებით გააგრძელებენ მუშაობას მათზე დაკისრებული მოვალეობების ეფექტურად შესრულებისთვის“,-აღნიშნულია ფინანსთა სამინისტროს განცხადებაში.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა