ცესკომ და ადგილობრივმა დამკვირვებელმა ორგანიზაციებმა ქცევის (ეთიკის) კოდექსს მოაწერეს ხელი

2023 წლის 1 ოქტომბრის შუალედური/რიგგარეშე არჩევნებისთვის, საქართველოს საარჩევნო ადმინისტრაციამ და ადგილობრივმა სადამკვირვებლო ორგანიზაციებმა ქცევის (ეთიკის) კოდექსს მოაწერეს ხელი.

ღონისძიება ცესკოს თავმჯდომარემ გახსნა და არჩევნების ადმინისტრირების პროცესში აღნიშნული დოკუმენტის მნიშვნელობაზე ისაუბრა. „ქცევის (ეთიკის) კოდექსი არის მნიშვნელოვანი დოკუმენტი, რომელიც მიზნად ისახავს არჩევნების სამართლიან და გამჭვირვალე გარემოში, საერთაშორისოდ აღიარებული პრინციპების შესაბამისად ჩატარებას. ჩვენ არასამთავრობო ორგანიზაციებთან ერთად აღნიშნულ დოკუმენტზე ხელმოწერით, საჯაროდ დეკლარირებას ვუკეთებთ ყველა იმ პრინციპს, რომელიც მნიშვნელოვანია არჩევნების თავისუფალ და სამართლიან გარემოში ჩასატარებლად. შესაბამისად ვთანხმდებით რომ აღნიშნულ პროცესში ვიხელმძღვანელებთ ყველა იმ საკვანძო პრინციპითა და სტანდარტით რომელიც მოცემულია აღნიშნულ დოკუმენტში“, - განაცხადა გიორგი კალანდარიშვილმა ღონისძიების დასრულების შემდეგ.

ქცევის (ეთიკის) კოდექსის პრინციპების დაცვის მნიშვნელობაზე ისაუბრეს დოკუმენტზე ხელმომწერი ორგანიზაციების წარმომადგენლებმაც. მათი თქმით, საარჩევნო გარემოს გაუმჯობესებისთვის მსგავსი ტიპის შეთანხმება ძალიან მნიშვნელოვანია, რაც თავის მხრივ ხელს შეუწყობს არჩევნების საერთაშორისო სტანდარტებით ჩატარებას.

„ეთიკის კოდექსი არის ძალიან მნიშვნელოვანი ცესკოსა და არასამთავრობოებო ორგანიზაციების ურთიერთობისთვის. აღნიშნული დოკუმენტი კიდევ უფრო ამყარებს და უკეთესს ხდის თანამშრომლობას არჩევნებიდან არჩევნებამდე. ასევე ვაფასებთ საარჩევნო ადმინისტრაციის ღიაობას შეხვედრებისთვის და მოსაზრებების გაცვლისთვის და ვიმედოვნებთ რომ თანამშრომლობა მომავალშიც გაგრძელდება“, - განაცხადა ,,სამართლიანი არჩევნებისა და დემოკრატიის საერთაშორისო საზოგადოების“ (ISFED) წარმომადგენელმა გიორგი მონიავამ.

ეთიკის კოდექსის მნიშვნელობაზე და საარჩევნო ადმინისტრაციასთან თანამშრომლობის გაღრმავებაზე ასევე ისაუბრა „ახალი თაობა - დემოკრატიული საქართველოსათვის“ ხელმძღვანელმა ნატალია ხოხიაშვილმა. როგორც მან აღნიშნა, „ცესკო წარმატებით აგრძელებს არასამთავრობო ორგანიზაციებთან თანამშრომლობას. აღნიშნული დოკუმენტი არის ჩვენი არასამთავრობო ორგანიზაციების თვითრეგულირების ქცევის კოდექსი, რომლითაც 1 ოქტომბრის შუალედურ/რიგგარეშე არჩევნებზე ვიხელმძღვანელებთ.“

ქცევის (ეთიკის) კოდექსს ხელი 1 ოქტომბრის შუალედური/რიგგარეშე არჩევნებისთვის რეგისტრირებულმა ადგილობრივმა დამკვირვებელმა ორგანიზაციებმა მოაწერეს. ღონისძიება საარჩევნო სისტემების საერთაშორისო ფონდის (IFES) ტექნიკური მხარდაჭერით გაიმართა. კოდექსზე ხელის მოწერა შეუძლია ყველა იმ ორგანიზაციას, რომელიც ამ არჩევნებზე დაკვირვებისთვის შესაბამის ვადებში დარეგისტრირდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024