რუსეთის სავაჭრო-სამრეწველო პალატის ვიცე-პრეზიდენტი - თურქეთს, საქართველოსა და რუსეთს შორის საბორნე მიმოსვლა იგეგმება

რუსეთის სავაჭრო-სამრეწველო პალატის ვიცე-პრეზიდენტმა, ვლადიმერ პადალკომ რუსეთ-საქართველოს ბიზნეს საბჭოს შეხვედრის შემდეგ განაცხადა, რომ თურქეთს, საქართველოსა და რუსეთს შორის მთელი წლის განმავლობაში საბორნე მიმოსვლა იგეგმება, - ინფორმაციას რუსული მედია ავრცელებს.

„ვისაუბრეთ თურქეთ-საქართველო-რუსეთის საბორნე მომსახურებაზე საზღვაო სფეროში. ახლა 150 ავტომობილსა და 300 მგზავრზე გათვლილი ბორანი ამოქმედდება, რომელიც თითქმის მთელი წლის განმავლობაში იმუშავებს“, - ციტირებს პადალკოს სააგენტო TASS-ი.

მისი თქმით, შეხვედრაზე ასევე განიხილეს საქართველოსა და რუსეთს შორის სარკინიგზო კომუნიკაციის საკითხი.

„თუ მოვახერხეთ სარკინიგზო კავშირის განახლება, როგორ გაივლის ის - ახალი მარშრუტებით, რომელსაც ინგუშეთი გვთავაზობს? ან აღვადგენთ ძველ მარშრუტს აფხაზეთის გავლით, რაც უმნიშვნელოვანესი მომენტი იქნება“, - განაცხადა რუსეთის სავაჭრო-სამრეწველო პალატის ვიცე-პრეზიდენტმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად