პროფესიული უნარების სააგენტო Erasmus+ პროფესიულ განათლებაში ინსტიტუციური თანამშრომლობის ფარგლებში (CB-VET) კიდევ ერთ პროექტს განახორციელებს.
ამის შესახებ ინფორმაციას პროფესიული უნარების სააგენტო ავრცელებს.
მათივე ცნობით, პროექტი უნგრეთთან, მოლდოვასა და სომხეთთან თანამშრომლობით განხორციელდება და მიზნად საერთაშორისო მობილობის პრაქტიკის ხელშეწყობას ისახავს.
„პროექტის INVEsT in you: promote international traineeship programs for Armenian, Georgian and Moldovan students in Central Europe განხორციელება 2024 წლიდან დაიწყება. აღსანიშნავია, რომ Erasmus+ პროფესიული განათლების მიმართულება საქართველოში ხელმისაწვდომი 2022 წლიდან გახდა. Erasmus+ ფარგლებში პროექტები საქართველოში საუკეთესო ევროპული გამოცდილების და პროფესიული განათლების ინტერნაციონალიზაციის ხელშესაწყობად ხორციელდება,“ - აღნიშნულია გავრცელებულ ინფორმაციაში.