თბილისის სახელმწიფო სამედიცინო უნივერსიტეტში ინსბრუკის სამედიცინო უნივერსიტეტის სტუდენტმა მაგდალენა სოფია ვალშჰოფერმა კლინიკური სტაჟირების ერთთვიანი კურსი გაიარა

თბილისის სახელმწიფო სამედიცინო უნივერსიტეტში გაცვლითი პროგრამის ფარგლებში ინსბრუკის (ავსტრია) სამედიცინო უნივერსიტეტის სტუდენტი მაგდალენა სოფია ვალშჰოფერი იმყოფებოდა. ის კლინიკურ სტაჟირებას (2023 წლის აგვისტო) თბილისის სახელმწიფო სამედიცინო უნივერსიტეტის და ინგოროყვას მაღალი სამედიცინო ტექნოლოგიების საუნივერსიტეტო კლინიკაში, თსსუ-ის შინაგან დაავადებათა N2 დეპარტამენტში (ხელმძღვანელი პროფესორი ირმა ჭოხონელიძე) გადიოდა.

როგორც მაგდალენა სოფია ვალშჰოფერმა აღნიშნა, თბილისის სახელმწიფო სამედიცინო უნივერსიტეტში სტაჟირების გადაწყვეტილების მიღებაში დაეხმარა იმ სტუდენტების შეფასებებისა და სარეკომენდაციო წერილების გაცნობა, რომლებიც გასულ წლებში იმყოფებოდნენ საქართველოში და სტაჟირება თსსუ-ის საუნივერსიტეტო კლინიკებში გაიარეს.

,,ეს ჩემი მეორე ვიზიტია საქართველოში. ამ ხნის განმავლობაში სულ ვფიქრობდი ამ ქვეყანაში დაბრუნებას, გადავხედე ჩემი უნივერსიტეტის საერთაშორისო პროგრამებს, კავშირებს სხვადასხვა უნივერსიტეტთან, როდესაც აღმოვაჩინე, რომ ინსბრუკის სამედიცინო უნივერსიტეტსა და თბილისის სახელმწიფო სამედიცინო უნივერსიტეტს შორის არის პარტნიორული ურთიერთობები, ჩემთვის ეს ძალიან სასიხარულო აღმოჩნდა. გავეცანი სარეკომენდაციო წერილებს, სადაც ავსტრიელი სტუდენტები დადებითად აფასებდნენ მათ ვიზიტსა და სტაჟირების პროცესს თსსუ-ში. წავიკითხე უამრავი შეფასება, მათ შორის თბილისის სახელმწიფო სამედიცინო უნივერსიტეტის და ინგოროყვას მაღალი სამედიცინო ტექნოლოგიების საუნივერსიტეტო კლინიკასა და პროფესორ ირმა ჭოხონელიძეზე“,- აღნიშნავს სტუდენტი.

თბილისის სახელმწიფო სამედიცინო უნივერსიტეტის და ინგოროყვას მაღალი სამედიცინო ტექნოლოგიების საუნივერსიტეტო კლინიკაში სტაჟირების პროცესს ავსტრიელი სტუდენტი პოზიტიურად აფასებს. მისი თქმით, მან მნიშვნელოვანი გამოცდილება და პრაქტიკული უნარ-ჩვევები მიიღო, რაც მნიშვნელოვნად დაეხმარება შემდგომი პროფესიული საქმიანობის მიმართულებით.

„ქალბატონ ირმა ჭოხონელიძესთან და მის გუნდთან მუშაობამ დიდი გამოცდილება მომცა. ყოველდღიურ შეხებაში ვიყავი პაციენტებთან, მქონდა მათთან კომუნიკაცია. ძალიან საინტერესო იყო ექიმისა და პაციენტის ურთიერთობაზე დაკვირვება, განსაკუთრებით უცხო ქვეყანაში. ექიმები მიხსნიდნენ პაციენტის მდგომარეობას, ერთად განვიხილავდით გამოკვლევების შედეგებს და სამკურნალო მიდგომებს. ვესწრებოდი სხვადასხვა მანიპულაციას. ხშირად მიწევდა დიალიზის ცენტრში ყოფნა, სადაც აქამდე არ ვყოფილვარ.

ჩემთვის ძალიან საინტერესო და სასიამოვნო იყო ის ატმოსფერო, რომელიც კლინიკაში დამხვდა. აქ ყველა, სამედიცინო პერსონალი და პაციენტები ერთი დიდი ოჯახია. ვურჩევ სტუდენტებს ავსტრიიდან და ყველა ქვეყნიდან, ჩამოვიდნენ თბილისის სახელმწიფო სამედიცინო უნივერსიტეტში და გაიარონ სტაჟირება თსსუ-ში. ეს ძალიან საინტერესოა“,- აღნიშნა მაგდალენა ვალშჰოფერმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024