ლევან ხაბეიშვილი - ყველამ ნახა აკანკალებული კობახიძე, როდესაც კონკრეტული კითხვა დავსვით, რატომ აქვს ფარცხალაძეს საქართველოს მოქალაქეობა - ცხადია, ვიჩხუბებთ, ფიზიკურად დავიცავთ ამ ქვეყანას

დღეს ყველამ ნახა აკანკალებული კობახიძე, როდესაც ერთი კონკრეტული კითხვა დავსვით, რატომ აქვს ფარცხალაძეს დღემდე საქართველოს მოქალაქეობა - ცხადია, ვიჩხუბებთ, თავსაც დავიცავთ, საკადრის პასუხსაც გავცემთ. ფიზიკურად დავიცავთ ამ ქვეყანას,- ამის შესახებ „ნაციონალური მოძრაობის“ თავმჯდომარე ლევან ხაბეიშვილმა პარლამენტში გამართულ პრესკონფერენციაზე განაცხადა.

ხაბეიშვილმა მოქალაქეებს დღეს, 19:00 საათზე პარლამენტთან შეკრებისკენ მოუწოდა.

„არ ვაპირებთ, ამ რუსებს ეს ქვეყანა დავუთმოთ. ცხადია ვიჩხუბებთ, თავსაც დავიცავთ, საკადრის პასუხსაც გავცემთ. დღეს ყველამ ნახა აკანკალებული კობახიძე, როდესაც ერთი კონკრეტული კითხვა დავსვით - რატომ აქვს ფარცხალაძეს დღემდე საქართველოს მოქალაქეობა. რატომ იცავენ „ეფესბეს“ აგენტს. ამაზე პასუხის ნაცვლად ვნახეთ აკანკალებული კობახიძე და მისი დამცველები - ბერაია და კოლექტიური პუტინისტები და ფარცხალაძეები. არაფრის გვეშინია! მოვუწოდებ საქართველოს მოქალაქეებს, 19:00 საათზე შევიკრიბოთ რუსთაველზე, რათა სამოქმედო გეგმაზე შევთანხმდეთ. ძალიან რთული ბრძოლა გველოდება და მნიშვნელოვანია საქართველოს მოქალაქის ჩართულობა. არ დავიღლებით, არ გვეშინია. ფიზიკურად დავიცავთ ამ ქვეყანას“, - განაცხადა ლევან ხაბეიშვილმა.

მისივე თქმით, ადამიანები, რომლებიც ფარცხალაძეს იცავენ, ჯაშუშურ საქმიანობაში არიან ჩართულები.

„ყველამ ნახა ფარცხალაძის დამცველები. ეს ადამიანები საკუთარ თავს იცავენ, რადგან ჯერ არ არიან მხილებულები, ეჭვმიტანილები არიან, ამიტომ ყველა ადამიანი, ვინც ხელს იქნევდა, ვინც აქტიურობდა და იცავს ფარცხალაძეს, ჩართულები არიან ჯაშუშურ საქმიანობაში. ამიტომაც დღეს, ფაქტობრივად საკუთარი სახე აჩვენეს, როდესაც „ეფესბეს“ აგენტ ფარცხალაძეს იცავდნენ საქართველოს პარლამენტში“, - განაცხადა ხაბეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024