ზურაბ ჩიკვილაძე - გაფანტული სკლეროზის სამკურნალო ძვირადღირებული მედიკამენტები  და კვლევები ჩვენს თანამოქალაქეებს სრულად აუნაზღაურდებათ

თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარე ზურაბ ჩიკვილაძე გაფანტული სკლეროზის სამკურნალო მედიკამენტებისა და კვლევების დაფინანსების საკითხს ეხმაურება და აცხადებს, რომ თანამოქალაქეებს სრულად აუნაზღაურდებათ ძვირადღირებული მედიკამენტები და კვლევები.

ამის შესახებ ინფორმაციას თბილისის საკრებულო ავრცელებს.

მათივე ცნობით, ზურაბ ჩიკვილაძემ განაცხადა, რომ დღეს მიღებული გადაწყვეტილებით თბილისში რეგისტრირებულ ყველა მოქალაქეს პროგრამის ფარგლებში საჭირო კვლევები და მედიკამენტები სრულიად დაუფინანსდება.

„ჩვენ უწყვეტად ვაგრძელებთ ზრუნვას ჩვენს თანამოქალაქეებზე. 2021 წლიდან დავიწყეთ „გაფანტული სკლეროზის სამკურნალო მედიკამენტების და კვლევების“ დაფინანსების პროგრამა, რომლის ფარგლებში სოციალურად დაუცველი ოჯახების მონაცემთა ერთიან ბაზაში რეგისტრირებულ პირებს, რომელთა სარეიტინგო ქულა არ აღემატება 150 000-ს, სრულად, 100%-ით უზრუნველვყოფდით, ხოლო ამ სტატუსის არმქონე დანარჩენ ჩვენს თანამოქალაქეებს, საჭიროებიდან გამომდინარე, მედიკამენტები 80%-ით უფინანსდებოდათ. დღევანდელი გადაწყვეტილებით კი, თბილისში რეგისტრირებულ ყველა მოქალაქეს პროგრამის ფარგლებში საჭირო კვლევები და მედიკამენტები სრულად დაუფინანსდება“, - განაცხადა ზურაბ ჩიკვილაძემ.

„საკრებულოს ჯანმრთელობის დაცვის და სოციალურ საკითხთა კომისიის თავმჯდომარის, ზურაბ ჩიკვილაძის, თქმით, მერიამ ეს გადაწყვეტილება გაფანტული სკლეროზის დიაგნოზის მქონე პირთა და მათი ოჯახების ფინანსური მხარდაჭერის მიზნით მიიღო, რადგან დარჩენილი 20% მათთვის მნიშვნელოვანი ფინანსური ტვირთი იყო.

აღსანიშნავია, რომ პროგრამით მოსარგებლეები 15-დან 60 წლის ასაკის ჩათვლით საქართველოს მოქალაქეები არიან და ერთი მოქალაქის მედიკამენტების და მაღალტექნოლოგიური კვლევების დასაფინანსებლად წელიწადში 25 ათას ლარამდე თანხა არის გათვალისწინებული. პროგრამის ბიუჯეტი 2 676 500 ლარია.

ზურაბ ჩიკვილაძის თქმით, პროგრამის ფარგლებში თბილისში რეგისტრირებული მოქალაქეებისთვის საჭირო კვლევებისა და მედიკამენტების დაფინანსების შესახებ გადაწყვეტილება საკრებულოს უახლოეს სხდომაზე დამტკიცდება, “ - აღნიშნულია უწყების მიერ გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი