უმრავლესობის წევრი ვასილ ჩიგოგიძე განმარტავს, რა უნდოდა პარლამენტში, მის სამუშაო კაბინეტში რუსეთში მცხოვრებ ბიზნესმენ მამუკა ფიფიას, რომელიც გავრცელებული ინფორმაციით, გავრილოვის გარემოცვის წევრია

ფიფიას წლებია ვიცნობ, რაღაცაზე უნდოდა შეხვედრა - ბიზნესზე, 15 წლის წინ ნავთობგადაზიდვებში იყო, - ამის შესახებ საპარლამენტო უმრავლესობის წევრმა ვასილ ჩიგოგიძემ განაცხადა, რითაც უპასუხა კითხვას, რა ნაცნობობა აკავშირებს და რა მიზნებისთვის იმყოფებოდა მასთან პარლამენტში რუსეთში მცხოვრები ბიზნესმენი მამუკა ფიფია, რომელიც გავრცელებული ინფორმაციით, გავრილოვის გარემოცვის წევრია.

როგორც ჩიგოგიძე ამბობს, საშვი ბიზნესმენისთვის თავად დაუშვა, თუმცა, მასთან შეხვედრა ვერ მოახერხა, ხოლო ფიფიას მიერ გამოქვეყნებულ ფოტოებთან დაკავშირებით, რომელშიც ის ჩიგოგიძის სამუშაო კაბინეტში, დეპუტატის სკამზე ზის, უმრავლესობის წევრმა აღნიშნა: „შეიძლება უნდა პარლამენტის წევრი გახდეს ან უხარია სურათის გადაღება. არ ვიცი, რას ემსახურებოდა ფოტოების გადაღება და გამოქვეყნება“.

„მამუკა ფიფიას წლებია ვიცნობ, მაგრამ დიდი ხანი ნანახი არ მყავდა, ბოლო წლებში ორჯერ იყო ჩამოსული და შეხვედრა ვერ მოვახერხე და მთხოვა შეხვედრა. დაემთხვა, რომ სესია იყო, კენჭისყრები გვქონდა და მაგ დროს იყო მოსული, თანაშემწეს ვთხოვე, საშვი დაეშვა, ავიდა ჩემს ოთახში ჩვეულებრივად. მე ფიზიკურად ვერ მოვახერხე ასვლა ერთი საათი. გავიგე, სურათი გადაუღია, ჩემს სკამზე დამჯდარა, შეიძლება უნდა პარლამენტის წევრი გახდეს ან უხარია სურათის გადაღება. არ ვიცი, განცვიფრებული ვარ, რას ემსახურება ეს.

მე შევხვდი დაბლა, ვთხოვე სესიაზე ავალ და დამიცადე-მეთქი, რაიმე თემაზე საუბარი ვერ მოვახერხეთ. რაღაცაზე უნდოდა შეხვედრა, ბიზნესზე. არ უთქვამს არაფერი, გაგრძელდა სესია და ვერ მოვახერხე საუბარი. ვიცი, რომ ბიზნესმენი ბიჭია, 15 წლის წინ ნავთობგადაზიდვებში იყო, როცა მქონდა შეხება“, - განაცხადა ჩიგოგიძემ.

კითხვაზე: დარბაზის ფოტო, რომელიც ფიფიამ გამოაქვეყნა, მისი გადაღებულია თუ არა, ჩიგოგიძე პასუხობს - „ახალი გადაღებული არ არის. დიდი ხნის წინ გადაღებულია და აღებული აქვს, რაში სჭირდებოდა, არ ვიცი“.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი