არავითარი მელიას და ხაბეიშვილის სახელობის ორი აქცია არ არსებობს, ორივე ეს აქცია არის საქართველოს მხარდამჭერი, რუსი ჯაშუში ხელისუფლების წინააღმდეგ მიმართული აქცია, - ამის შესახებ “სტრატეგია აღმაშენებლის” ერთ-ერთმა ლიდერმა დეპუტატმა პაატა მანჯგალაძემ განაცხადა.
მისივე თქმით, ამ ქვეყნის პრობლემა არის არა ცალკე აღებული ეროვნული ბანკი, არამედ რუსი ჯაშუშების ხელისუფლება.
“არ ავყვეთ ხელისუფლების პროპაგანდას, არავითარი ნიკა მელიას და ლევან ხაბეიშვილის სახელობის ორი აქცია არ არსებობს. თითოეულს აქვს კონკრეტული მიზანი, ორივე ეს აქცია არის საქართველოს მხარდამჭერი, რუსი ჯაშუში ხელისუფლების წინააღმდეგ მიმართული აქცია.ამიტომ ვისაც შეგვიძლია უნდა მივიდეთ ორივე აქციაზე, უფრო მეტიც, გავერთიანდეთ პარლამენტთან რადგან ამ ქვეყნის პრობლემა არის არა ცალკე აღებული ეროვნული ბანკი, არამედ რუსი ჯაშუშების ხელისუფლება. მოქმედების დროა! საქართველო გაიმარჯვებს! “ - აღნიშნა პაატა მანჯგალაძემ, რომლის კომენტარსაც პარტიის პრესსამსახური ავრცელებს.