სანდრო რაქვიაშვილი - კარგია დემოკრატიისთვის, როცა ბევრი ადამიანი გამოხატავს თავის პოზიციას ღიად და არ ზის სახლში - ხალხს აქვს სრული ლეგიტიმაცია, გაბრაზდეს და იმედია, ჩემი ოპოზიციონერი კოლეგები არ ჩაახშობენ ადამიანების მორიგ აღშფოთებას

აქციაზე ჩავალ - კარგია, როცა ბევრი ადამიანი გამოხატავს პოზიციას ღიად და არ ზის სახლში, - ამის შესახებ ჟურნალისტებთან "გირჩის" დეპუტატმა სანდრო რაქვიაშვილმა განაცხადა.

როგორც მან აღნიშნა, ხალხს აქვს სრული ლეგიტიმაცია, რომ გაბრაზდეს.

რაქვიაშვილი დასძენს, რომ იმედი აქვს, ოპოზიციონერი კოლეგები არ ჩაახშობენ ადამიანების მორიგ აღშფოთებას.

"აქციების პერსპექტივა გამოჩნდება ხალხის რეაქციით, გააჩნია რამდენი ადამიანი გამოვა, როგორ გამოვა, მე პირადად ჩავალ საღამოს აქციაზე და გამიხარდება თუ ბევრი ადამიანი მოვა. ზოგადად, კარგია დემოკრატიისთვის, როცა ბევრი ადამიანი გამოხატავს თავის პოზიციას ღიად და არ ზის სახლში. მაგალითად, ახალგაზრდებს თავის პოზიცია რომ გამოეხატათ თავის დროზე, თავდაცვის კოდექსი არ იქნებოდა მიღებული, კიდევ უფრო ადრე რომ გამოეხატათ პოზიცია, შეიძლება აგენტების კანონამდე არც კი მისულიყო სიტუაცია, კიდევ ბევრი სხვა პრობლემური კანონია. ხალხს აქვს სრული ლეგიტიმაცია, რომ გაბრაზდნენ და იმედია ჩემი ოპოზიციონერი კოლეგები არ ჩაახშობენ ადამიანების მორიგ აღშფოთებას თავის გაუაზრებელი განცხადებებით და ისეთი მიტინგებით რომელსაც არანაირი მიზანი არ ექნება,"- განაცხადა რაქვიაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი