ხათუნა სამნიძე - როცა საქმე ეხება ქვეყნის ევროპულ მომავალს და "ოცნება" რუსულ გადაწყვეტილებებს იღებს, ოპოზიცია ერთიანია - ჩვენ ვდგავართ მოსახლეობის უმრავლესობის, ანუ ევროპის მხარეს

როცა საქმე ეხება ქვეყნის ევროპულ მომავალს და "ოცნება" რუსულ გადაწყვეტილებებს იღებს, ოპოზიცია ერთიანია - ჩვენ ვდგავართ საქართველოს მოსახლეობის უმრავლესობის, ანუ ევროპის მხარეს, - ამის შესახებ ოპოზიციონერმა დეპუტატმა ხათუნა სამნიძემ ჟურნალისტებთან განაცხადა.

მისივე თქმით, რამდენიმე აქციის დაანონსება ნორმალურია და ის ორივე აქციაზე აპირებს მისვლას.

"ასეთ პროცესში აქციების რამდენიმე ადგილას დაანონსება ნორმალური პროცესია, მთავარია "ქართული ოცნება" ხედავს, რომ რაც არ უნდა ფრაგმენტირებულო და სუსტი იყოს ოპოზიცია, რასაც ისინი ხშირად იმეორებენ, როცა საქმე ეხება ქვეყნის ევროპულ მომავალს და რუსულ გადაწყვეტილებებს იღებს ოცნება, ერთიანია ოპოზიცია როგორც არასდროს და სწორედ აქ არის ჩვენი ძალა, ჩვენ ვდგავართ საქართველოს მოსახლეობის უმრავლესობის, ანუ ევროპის მხარეს. ერთი აქცია იქნება, ორი თუ სამი, შესაძლებელია ყველგან მისვლა და გაერთიანება ერთ აქციაზე, თან ეს აქციები მხოლოდ დღეს არ იქნება. ვაპირებ ვიყო აქციაზე, რომელიც თავიდან დაანონსდა და ასევე პარლამენტთან 19:00 საათზე", - განაცხადა სამნიძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად