თეა წულუკიანი ოპოზიციას - აქ რომ დადექით და რუსული ხომალდის ლოზუნგი გაშალეთ, ჩემზე არ მოქმედებს - ამაში სქესიც მიწყობს ხელს, ქართველი კაცი რომ ვიყო, შეიძლება მუშტი გამექცეს, მაგრამ რეაქცია მაქვს ნული

აქ რომ დადექით და რუსული ხომალდის ლოზუნგი გაშალეთ, ჩემზე ეს არ მოქმედებს - არცერთი ტიპის შეურაცხყოფა ჩემზე არ მოქმედებს, ამაში სქესიც მიწყობს ხელს! - ქართველი კაცი რომ ვიყო, შეიძლება მუშტი გამექცეს, მაგრამ რეაქცია მაქვს ნული! - ეს განცხადება პარლამენტის ტრიბუნიდან კულტურისა და სპორტის მინისტრმა თეა წულუკიანმა გააკეთა.

წულუკიანმა საპასუხო განცხადებით პლენარულ სხდომათა დარბაზში მყოფ ერთადერთ ოპოზიციონერ დეპუტატს არმაზ ახვლედიანს მიმართა და მას “ლუზერი“ უწოდა.

კულტურის მინისტრმა ახვლედიანს მიმართა, რომ არსად წავა, ვიდრე ეცოდინება, რომ არის რისკი იმისა, რომ ხალხი ვისკენაც ახვლედიანი “უსირცხვილოდ გადაპორტირდა“, შეიძლება ხელისუფლებაში დაბრუნდნენ.

“რაც გინდათ ამ ტრიბუნას ის დააწერეთ, ტრიბუნის უკან მაინც ამაყად ვიდგები და არასად წავალ. გამიშვით დროზე პოლიტიკიდან - აქაურობას მოშორდით! მე ამიტომ ვარ, მეტი არაფერისთვის - ეს ჩემთვის ფუფუნება არ არის! ვინც ხედვას, თუ როგორ ვსაქმიანობ, ყველამ იცის, რომ მინისტრობა ჩემთვის ფუფუნება არ არის. ეს არის ძალიან დიდი ჯაფა და შრომა საკუთარი ჯანმრთელობისა და ოჯახის კეთილდღეობის ხარჯზე“, - განაცხადა წულუკიანმა არმაზ ახვლედიანის მისამართით.

კულტურის მინისტრმა ოპოზიციონერ დეპუტატს ურჩია, საკუთარი განვლილ გზას კრიტიკული თვალით შეხედოს.

“თქვენ მე რჩევა მომეცით, დამამუნათედ და მითხარით, რომ პოლიტიკაში ჩემი დრო ამოიწურა. გეთანხმებით - ხელისუფლებები იმისთვის არიან, რომ როცა არიან, მერე დრო ამოეწუროთ. ძალიან გამიხარდება, რომ ამოწურვის რეალური მომენტი რაც შეიძლება მალე დადგეს, მაგრამ თქვენ რა გეშველებათ, რომ თქვენი დრო პოლიტიკაში არასდროს არ დაიწყო და ერთი ჩვეულებრივი ლუზერი ხართ.

თქვენ ჩვენი პარტიის ყოფილი თანამდებობის პირი ხართ, რომელმაც ერთადერთი, რაც ჩვენს პარტიაში ყოფნისას მოახერხეთ იყო ის, რომ პარტიის ფულით საკუთარ თავს ჯიპი შეუძინეთ. მეტი რა გააკეთეთ?! დღეს “ნაცებში“ პორტირებული ბედავთ, რომ ხმა ამოიღოთ. ილაპარაკეთ, მაგრამ ასე შორს ვერ გაფრინდებით. მე ჩემი კარიერა არც თუ ისე გავლიე, მაგრამ თქვენ რა გააკეთეთ? - არაფერი! ნული! ზერო!

მე კი წავალ, მაგრამ თქვენ რა გეშველებათ?! - ვერასდროს ქართულ პოლიტიკაში თქვენ ვერ შემოხვალთ“, - მიმართა ახვლედიანს თეა წულუკიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024