გიორგი ვაშაძე - არასდროს უკან არ დავიხევთ - ერთად ვიდგებით ხვალაც, ზეგაც, ვიდრე რუსული ჯაშუშური ქსელი ბოლომდე არ გამოაშკარავდება -  ყველა მოღალატე უნდა განიდევნოს სახელმწიფოს მართვისგან, ეს არის ჩვენი ამოცანა

ფარცხალაძეს აუცილებლად უნდა შეუწყდეს მოქალაქეობა, სებ-ის ეს გადაწყვეტილება უნდა შეიცვალოს და მოხდეს კონკრეტულად იმ ადამიანების ლუსტრაცია, ვინც ამ ჯაშუშურ ქსელში არიან, - ამის შესახებ „სტრატეგია აღმაშენებლის“ ერთ-ერთმა ლიდერმა გიორგი ვაშაძემ საპროტესტო აქციაზე ჟურნალისტებს განუცხადა.

მისი თქმით, საბოლოო ამოცანა არის „ქართული ოცნების“ ჩამოშორება ქვეყნის მმართველობისგან.

„ძალიან მძლავრად და მყარად იდგა ოპოზიცია. ჩვენ არ მივეცით რუს ჯაშუშებს თემის გატარების შესაძლებლობა. ამ მშიშარა, ლაჩრების სრული ლუსტრაცია მოხდა. ამიტომაც მუშტიც მიიღეს და ყველაფერი. კიდევ ერთხელ მინდა განვაცხადო, ჩვენ არასდროს უკან არ დავიხევთ, რადგან ჩვენს უკან არის სამშობლო, მათ უკან არის რუსული ჯაშუშური ქსელი. როგორც ეროვნული ბანკის საბჭოს წევრები გადადგნენ, ასე მოგიწოდებთ, ყველა გადადის ხალხის მხარეს, მათ შორის მოვუწოდებ იმ მედიასაშუალებებს, რომელიც რუს პროპაგანდისტულ დავალებას ასრულებენ, დაანებეთ ამას თავი.

რაც შეეხება ჩვენს ამოცანებს, ჩვენ ვართ ერთიანი, მძლავრი და მაგარი. ერთად ვიდგებით ხვალაც, ზეგაც და მანამ, სანამ რუსული ჯაშუშური ქსელი ფარცხალაძით დაწყებული, ივანიშვილით დამთავრებული ბოლომდე არ გამოაშკარავდება. ყველა მოღალატე უნდა განიდევნოს სახელმწიფოს მართვისგან, ეს არის ჩვენი ამოცანა. ახლა პირველი ნაბიჯები, რაც აუცილებლად უნდა გადაიდგას. ფარცხალაძეს აუცილებლად უნდა შეუწყდეს მოქალაქეობა, სებ-ის ეს გადაწყვეტილება უნდა შეიცვალოს და მოხდეს კონკრეტულად იმ ადამიანების ლუსტრაცია, ვინც ამ ჯაშუშურ ქსელში არიან. საბოლოოდ, ჩვენი ამოცანა არის რუსული ჯაშუშური „ქართული ოცნების“ ჩამოშორება ქვეყნის მმართველობისგან“,-განაცხადა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024