თეა წულუკიანი - დესტრუქციულ ოპოზიციას დარბაზში არ ჰყავდა კაცები, ჰყავდათ ოთხი ნერვებაშლილი ქალი და არმაზ ახვლედიანი, ეს არის მათი დიაგნოზი

ამდენი წელია მინისტრი ვარ და ოპოზიციის ნაწილში ასეთი უინტერესო “მინისტრის საათი“ არ მქონია - ეს ნიშნავს, რომ მათ აქვთ კრიზისი, - ეს განცხადება პარლამენტში, “მინისტრის საათის“ ფორმატის დასკვით ნაწილში კულტურისა და სპორტის მინისტრმა თეა წულუკიანმა გააკეთა.

წულუკიანმა ოპოზიციის მისამართით აღნიშნა ისიც, რომ “ოპოზიციური პარტიები ლუზერობითა და უზრდელობით ვერსად გაფრინდებიან“.

“დღეს, სხდომათა დარბაზში დესტრუქციული ოპოზიციისგან შემდეგი სურათი ვიხილეთ - დესტრუქციულ ოპოზიციას დარბაზში არ ყავდა კაცები, ჰყავდათ ოთხი ნერვებაშლილი ქალი და არმაზ ახვლედიანი. ეს არის მათი დიაგნოზი! მათ ომს ვერ მიაღწიეს. ახლა როგორც ჩანს, ძალიან სახიფათო ფაზაში შევდივართ - როდესაც დესტრუქციული ოპოზიცია, რომელიც ხალხმა აირჩია, უარს ამბობს დარბაზში იჯდეს და სტრატეგიად იმ უზრდელობას ირჩევს, რომელიც ჩვენ აქ ქალების მხრიდან ვნახეთ, ირჩევს ჩხუბს, მუშტი-კრივს, მუქარასა და სხვა ამგვარ ქცევებს, ეს იმას ნიშნავს, რომ რაკი ომს ვერ მიაღწიეს, ცდილობენ, რომ ქვეყანაში პროვოკაციები და დესტაბილიზაცია მოაწყონ.

რა თქმა უნდა, ჩვენ, აღმასრულებელი ხელისუფლების ნაწილში შევეცდებით, რომ მოწოდების სიმაღლეზე ვიყოთ - დაწყებული სახელმწიფო უსაფრთხოების სამსახურით, ყველა იმ სამართალდამცველით გაგრძელებული, ვისაც სახელმწიფოში სტაბილურობის უზრუნველყოფა ევალება. ჩვენი სამინისტრო თავისი უფლებამოსილების ფარგლებში თავის წვლილს შეიტანს“, - განაცხადა თეა წულუკიანმა პარლამენტის პლენარულ სხდომაზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024