პაატა კვიჟინაძის განცხადებით, პრეზიდენტს ეროვნული ბანკის საბჭოში წარდგენილი კანდიდატურების გაწვევის უფლება არ აქვს, ამიტომ კომიტეტებმა ნანა ყეინიშვილისა და თეიმურაზ ხომერიკის კანდიდატურები განიხილეს და მხარი არ დაუჭირეს

პარლამენტის საფინანსო-საბიუჯეტო და დარგობრივი პოლიტიკის კომიტეტებმა გაერთიანებულ სხდომაზე პრეზიდენტის მიერ ეროვნული ბანკის საბჭოს წევრობის ვაკანტურ თანამდებობაზე წარდგენილი ნანა ყეინიშვილისა და თეიმურაზ ხომერიკის კანდიდატურები მათ დაუსწრებლად განიხილა, თუმცა მხარი არ დაუჭირა.

შესაბამისად, კომიტეტები წარდგენილ კანდიდატებთან დაკავშირებით პარლამენტს უარყოფითი დასკვნით მიმართავს.

როგორც კომიტეტის თავმჯდომარე პაატა კვიჟინაძემ სხდომის დასრულების შემდეგ განმარტა, წარმოუდგენელი იქნებოდა მხარი დაეჭირათ „ხალხისთვის, რომლებმაც უბრალოდ, [ინსტიტუციაც] არც დააფასა“.

ამასთან, კვიჟინაძე განმარტავს, რომ პრეზიდენტს არ აქვს კანდიდატურების უკან გაწვევის შესაძლებლობა.

მისივე თქმით, მნიშვნელოვანია ეროვნული ბანკის საბჭო ფუნქციონირებდეს, ამიტომ პრეზიდენტთან კონსულტაციების იმედი აქვს.

„ჩვენ როგორც კანონი ითვალისწინებს, სამი დღით ადრე დავდეთ საიტზე, შევატყობინეთ პრეზიდენტის ადმინისტრაციას, დაგვიდასტურეს მოსვლა თვითონაც და კანდიდატურების მოსვლაც. ყველაფერი მიდიოდა გეგმით, რადგან ჩვენ არ შეგვეძლო გადაგვედო, 2 კვირის ვადის შეზღუდვა გვაქვს, მაგრამ სამწუხაროდ, მოხდა ის რაც მოხდა, ადმინისტრაციის ხელმძღვანელმა ბრძანა რომ არ უჭერენ თუ გამოიწვევენ. არ არის კანონში, არც რეგლამენტში არსად, პრეზიდენტის წარმოდგენილი კანდიდატურების გაწვევა, ასეთი მექანიზმი არ არსებობს. ამიტომ ჩვენ განვიხილეთ და უბრალოდ, წარმოუდგენელი იქნებოდა მხარი დაგვეჭირა ხალხისთვის, რომლებმაც უბრალოდ არც დაგვაფასა და არც მოვიდნენ. არ დავუჭირეთ მხარი. თუმცა, აქვე ვაფიქსირებ, ჩვენ კომიტეტმა არ დავუჭრეთ, სესიას აქვს გადაწყვეტილების მიღების უფლება საბოლოოდ. მე იმედი მაქვს, წარმოუდგენელია პრეზიდენტს არ ესმოდეს, რომ თუ საბჭო არ იფუნქციონირებს რა იქნება, ამიტომ იმედი მაქვს, რაღაცნაირად შევთანხმდებით და ერთხელ მაინც გადადგამს ნაბიჯს, რომ კონსულტაციები გავწიოთ. თუ ეს არ იქნება არის გზები, რომელიც ბანკის ფუნქციონირებას ხელს არ შეუძლია", - განაცხადა კვიჟინაძემ.

აღსანიშნავია, რომ ამჟამად ეროვნული ბანკის საბჭოში 9 წევრიდან 7 წევრია, რომელთაგან სამმა - საბჭოს ვიცე-პრეზიდენტებმა საბჭოდან წასვლის გადაწყვეტილება მიიღეს. მათი ეს გადაწყვეტილება საერთაშორისო სანქციებთან დაკავშირებით საგამონაკლისო წესის შემოღებაზე ნათია თურნავას ხელმოწერით გამოცემულ ბრძანებას უკავშირდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს