საქართველოს კონკურენციის ეროვნული სააგენტო „მომხმარებლის დაცვის და აღსრულების საერთაშორისო ქსელის“ პარტნიორი გახდა

საქართველოს კონკურენციის ეროვნული სააგენტო „მომხმარებლის დაცვის და აღსრულების საერთაშორისო ქსელის“ (ICPEN) პარტნიორი გახდა, რომელიც აღნიშნული მიმართულებით მომუშავე 80-ზე მეტი ქვეყნის უწყებას და წევრ ორგანიზაციას აერთიანებს მთელ მსოფლიოში.

ინფორმაციას კონკურენციის ეროვნული სააგენტო ავრცელებს.

სააგენტოს პრესსამსახურის ცნობით, აღნიშნულ საკითხთან დაკავშირებით საქართველოს კონკურენციის ეროვნული სააგენტოს დელეგაცია, ირაკლი ლექვინაძის ხელმძღვანელობით, 3-6 ოქტომბერს, პოლონეთს ეწვევა და საერთაშორისო კონფერენციაზე მომხმარებელთა უფლებების დაცვის სფეროში პროგრესის შესახებ პრეზენტაციით წარდგება.

„ICPEN-ში გასაწევრიანებლად აუცილებელი კრიტერიუმია წევრი ორგანიზაციების ხმების, წარდგინების მიღება, რაც საქართველოს კონკურენციის ეროვნულმა სააგენტომ, მომხმარებლის უფლებების დაცვის მიმართულებით, არასრული 1 წლიანი მუშაობის შედეგად უკვე მოიპოვა.

შესაბამისად, მომხმარებლის დაცვის და აღსრულების საერთაშორისო ქსელის ვებგვერდზე - ამერიკის შეერთებული შტატების, პოლონეთის, თურქეთის, გერმანიის, გაერთიანებული სამეფოს, შვეიცარიის, საფრანგეთის და 80-მდე სხვა ქვეყნის გვერდით უკვე საქართველოც არის. (https://icpen.org/who-we-are)

ICPEN-ი აერთიანებს: წევრებს, პარტნიორებს და დამკვირვებლებს. მათ შორის, დამკვირვებლის რანგში წარმოდგენილნი არიან - UNCTAD, OECD, EUROPEAN COMMISSION და სხვა საერთაშორისო ორგანიზაციები.

საქართველოს კონკურენციის ეროვნული სააგენტოს მიზანია, ასოცირების შეთანხმების ფარგლებში, საქართველოს მიერ აღებული ვალდებულებების შესაბამისად, მომხმარებელთა უფლებების დაცვის გაძლიერება და პატივისცემაზე დამყარებული ქცევის კულტურის გაუმჯობესება.

მომხმარებლის დაცვის და აღსრულების საერთაშორისო ქსელი (ICPEN) წარმატებულ ქვეყნებს შორის მნიშვნელოვანი ინტერაქციის საერთაშორისო პლატფორმაა, რაც საერთაშორისო გამოცდილების და პრაქტიკის გაზიარების საუკეთესო შესაძლებლობებს იძლევა.

აღნიშნულ საკითხთან დაკავშირებით, საქართველოს კონკურენციის ეროვნული სააგენტოს დელეგაცია, ირაკლი ლექვინაძის ხელმძღვანელობით, 3-6 ოქტომბერს, პოლონეთს ეწვევა და საერთაშორისო კონფერენციაზე მომხმარებელთა უფლებების დაცვის სფეროში პროგრესის შესახებ პრეზენტაციით წარდგება. საერთაშორისო კონფერენცია ორგანიზაციის პრეზიდენტი ქვეყნის პოლონეთის მასპინძლობით იმართება“,- აღნიშნულია გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი