„საქსტატის“ აღმასრულებელი დირექტორი გაერო-ში გამართულ შეხვედრებში მონაწილეობს

„საქსტატის“ აღმასრულებელი დირექტორი, გოგიტა თოდრაძე, მოსახლეობის აღწერებთან დაკავშირებულ საერთაშორისო კონფერენციაში მონაწილეობს, რომელიც გაერო-ს ევროპის ეკონომიკური კომისიისა (UNECE) და გაეროს მოსახლეობის ფონდის (UNFPA) ორგანიზებით, მიმდინარე კვირის განმავლობაში, შვეიცარიის ქალაქ ჟენევაში მიმდინარეობს.

ამის შესახებ ინფორმაციას „საქსტატი“ ავრცელებს.

მათივე ცნობით, შეხვედრის ფარგლებში, მოსახლეობისა და საცხოვრისების აღწერებთან დაკავშირებით პანელური დისკუსიები იმართება. ასევე, განიხილება სხვადასხვა ქვეყნის გამოცდილება, მოსახლეობის აღწერის ფარგლებში მონაცემთა შეგროვების უახლესი ტექნოლოგიების გამოყენების, ასევე მონაცემთა გავრცელების თანამედროვე საშუალებების შესახებ.

„შეხვედრის მიმდინარეობისას, გოგიტა თოდრაძემ მონაწილეებს მოსახლეობის 2024 წლის საყოველთაო აღწერის ფარგლებში შესრულებული, მიმდინარე და დაგეგმილი აქტივობების, აგრეთვე „საქსტატის“ მიერ დანერგილი სიახლეების შესახებ საქართველოს გამოცდილება გაუზიარა.

აღნიშნული შეხვედრა ყოველწლიურად იმართება და მასში მონაწილეობს 50-ამდე ქვეყნის 100-ზე მეტი მონაწილე, საერთაშორისო და ადგილობრივი ორგანიზაციების წარმომადგენლები, ექსპერტები და მაღალი თანამდებობის პირები. იგი მნიშვნელოვან პლატფორმას წარმოადგენს, სხვადასხვა ქვეყანაში მოსახლეობის აღწერებთან დაკავშირებული გამოცდილების გაზიარების, მიღწეული პროგრესის შეფასებისა და გაეროს რეკომენდაციებთან შესაბამისობის უზრუნველყოფის თვალსაზრისით.

„საქსტატის“ ხელმძღვანელთან ერთად, აღწერის კვირეულში მონაწილეობს აღმასრულებელი დირექტორის მოადგილე, პაატა შავიშვილი და მოსახლეობის აღწერისა და დემოგრაფიული სტატისტიკის დეპარტამენტის უფროსი, ალექსანდრე არაბული.

შეგახსენებთ, რომ საქართველოში მოსახლეობის უკანასკნელი აღწერა 2014 წელს ჩატარდა. მომდევნო აღწერის ჩატარება კი 2024 წლის 14 ნოემბრიდან 19 დეკემბრამდე პერიოდშია დაგეგმილი. ამასთან, „საქსტატი“ მომდევნო აღწერას თანამედროვე ტექნოლოგიების გამოყენებით (თვითრეგისტრაციისა და პლანშეტური კომპიუტერების გამოყენებით), ქაღალდის კითხვარების გარეშე ჩაატარებს“,- აღნიშნულია გავრცელებულ ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი