გიორგი ვაშაძე - ფარცხალაძე იმყოფება საქართველოში, რატომ არ აკავებენ რუს ჯაშუშს? - ის უნდა დააკავონ და ეროვნული ბანკის ბრძანება დაუყოვნებლივ გაუქმდეს

ფარცხალაძე იმყოფება საქართველოში, რატომ არ აკავებენ რუს ჯაშუშს? - ფარცხალაძე უნდა დააკავონ და ეროვნული ბანკის ბრძანება დაუყოვნებლივ უნდა გაუქმდეს, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებთან განაცხადა.

როგორც მან აღნიშნა, საზოგადოებამ ნახა, „ქართული ოცნება“ როგორ იცავდა ჯაშუშს.

„მათ მოუწიათ უკან დახევა და ფარცხალაძეს მოქალაქეობა შეუწყვიტეს, მაგრამ ვსვამ მთავარ კითხვას - რუსეთის მოქალაქე ხომ არის უკვე ფარცხალაძე, რატომ არ არის დაკავებული? გუშინ უტყუარად დადასტურდა საჯარო რეესტრის ამონაწერებით, ჟურნალისტებზე თავდასხმით, რომ ფარცხალაძე იმყოფება საქართველოში, შესაბამისად, ჩვენი კითხვა არის ის, რატომ არ ხდება ფარცხალაძის დაუყოვნებლივი დაკავება რუსეთის სასარგებლოდ ჯაშუშობაში?

სუს-ი და ყველა სამართალდამცავი ორგანო, რომელიც არ აკავებს რუს ჯაშუშ ფარცხალაძეს, საკუთარი თავის ლუსტრაციას ახდენს. კითხვას ვუსვამ „ქართულ ოცნებას“, სუს-საც და ყველა უწყებას, რატომ არ ახდენთ ფარცხალაძის დაკავებას?

ორი მთავარი საკითხი, რაც ახლა გვაქვს - უნდა მოხდეს ფარცხალაძის დაკავება და ეროვნული ბანკის ბრძანება დაუყოვნებლივ უნდა გაუქმდეს. ჩვენთვის მთავარია, საზოგადოებას პასუხი გასცეს ოცნებამ, თუ რატომ არ ხდება ფარცხალაძის დაკავება, ამიტომ კითხვას უნდა გასცეს ყველა უწყებამ პასუხი, კაცი არის მხილებული ჯაშუშურ საქმიანობაში, ამაზე დიდი დანაშაული არ არსებობს.“ - განაცხადა ვაშაძემ

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი