თბილისის სახელმწიფო უნივერსიტეტისა და ახალგაზრდობის სააგენტოს ორგანიზებით თსუ-ს სტუდენტებისთვის ანაკლიაში ხუთდღიანი „ახალგაზრდული ფორუმი 2023” გაიმართა.
ამის შესახებ ინფორმაციას თბილისის სახელმწიფო უნივერსიტეტი ავრცელებს.
თსუ-ს ინფორმაციით, პროექტის ფარგლებში, 200 სტუდენტი სხვადასხვა საგანმანათლებლო, კულტურულ და სპორტულ აქტივობაში მონაწილეობდა.
„სხვადასხვა აქტივობებში გამარჯვებული სტუდენტური გუნდები თსუ-ს რექტორმა, ჯაბა სამუშიამ და ახალგაზრდობის სააგენტოს ხელმძღვანელმა, ვახტანგ ბააკაშვილმა სერტიფიკატებითა და სიმბოლური საჩუქრებით დააჯილდოვა. პროექტის დასასრულს სტუდენტებისთვის მუსიკალური ღონისძიება გაიმართა“, - აღნიშნულია გავრცელებულ ინფორმაციაში.