ევროპის მუზეუმების აკადემიის 2023 წლის კონკურსის სპეციალური პრიზი თბილისის მუზეუმების გაერთიანებამ მიიღო

ევროპის მუზეუმების აკადემიის (EMA) კონფერენცია, 2023 წლის ევროპის კულტურის დედაქალაქ ტიმიშოარაში, მუზეუმების აკადემიის ყოველწლიური კონკურსის დაჯილდოების ცერემონიით დასრულდა.

ამის შესახებ ინფორმაციას თბილისის მერია ავრცელებს.

მათივე ცნობით, EMA-ს 2023 წლის კონკურსი ხელოვნების მუზეუმის ჯილდოს, DASA-სა და Luigi Micheletti-ს პრემიებს მოიცავს.

„2023 წლის კონკურსის შედეგების მიხედვით, გაიცა სამი პრემია და ორი განსაკუთრებული პრიზი. 2023 წლის ხელოვნების მუზეუმის ჯილდო მიენიჭა S.M.A.K - ბელგიის თანამედროვე ხელოვნების მუზეუმს; 2023 წლის DASA - პრემია გადაეცა უნგრეთის ფულის მუზეუმსა და ვიზიტორთა ცენტრს; 2023 წლის ლუიჯი მიკელეტის პრემია გადაეცა დანიის ლტოლვილთა მუზეუმს.

ევროპის მუზეუმების აკადემიამ დაჯილდოების ცერემონიაზე გასცა ორი განსაკუთრებული პრიზი, რომლებიც თბილისის მუზეუმების გაერთიანებას და კიევის მეორე მსოფლიო ომის ეროვნულ მუზეუმს გადაეცა.

სპეციალური აღნიშვნის პრიზი გადაეცა თბილისის მუზეუმების გაერთიანებას, რომელიც თავისი კოლექციებით, საგანმანათლებლო პროგრამებითა და აქტივობებით შთააგონებს ვიზიტორებსა და დამთვალიერებლებს, დაფიქრდნენ ისტორიულ და საზოგადოებრივ გამოწვევებზე. გამარჯვებული მუზეუმი ქმნის სამუზეუმო ქსელს ისტორიის და კოლექციების გამოყენებით და აკავშირებს საზოგადოებას თანამედროვეობასთან.

თბილისის მუზეუმების გაერთიანება აჩვენებს კრეატიულ მიდგომას ცოდნის გამომუშავების, ინტერპრეტაციისა და სოციალური პასუხისმგებლობის მიმართ და წარმოდგენილ მუზეუოგრაფიაში ითვალისწინებს რთულ გეოგრაფიულ და ისტორიულ კონტექსტს.

EMA-ს კონფერენცია რუმინეთის ქალაქ ტიმიშოარაში ჩატარდა, რომელიც ევროკავშირის მიერ 2023 წლის ევროპის კულტურის დედაქალაქადაა აღიარებული. კონფერენციაზე თბილისის მუზეუმების გაერთიანება - თბილისის მუნიციპალიტეტის განახლებული მუზეუმებით, საგამოფენო მუზეოგრაფიითა და საგანმანათლებლო მიმართულებით იყო წარდგენილი.

ევროპის მუზეუმების აკადემია 2009 წელს მუზეოლოგის, კენეტ ჰადსონის სახელის პატივსაცემად დაფუძნდა და მასში გაერთიანებულია სამუზეუმო საქმის სხვადასხვა მიმართულების ექსპერტები, ევროპის მუზეუმთა ხელმძღვანელები, სამუზეუმო და საგამოფენო საქმის თეორეტიკოსები, კურატორები და სხვა.

თბილისის მუზეუმების გაერთიანება მიმდინარე წლის სექტემბრიდან ევროპის სამუზეუმო ორგანიზაციების ქსელის (NEMO) წევრია. 1992 წელს დაარსებული ორგანიზაცია, ეროვნული მუზეუმების ორგანიზაციების დამოუკიდებელი ქსელია, რომელიც ევროსაბჭოს წევრი ქვეყნების სამუზეუმო საზოგადოებას წარმოადგენს. მთლიანობაში, NEMO ევროპის 40 ქვეყნის 30 000-ზე მეტ მუზეუმს აერთიანებს და პოპულარიზაციას უწევს იმ ევროპულ რეგულაციებს, რომლებიც ხელს უწყობენ მუზეუმების მიერ მათი, როგორც კულტურული მემკვიდრეობის მცველების მისიის შესრულებას და ინტეგრირებას ევროპული კულტურის ერთიან სივრცეში“, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს