ელენე ხოშტარია - ნათია თურნავა პირდაპირ კავშირშია ოთარ ფარცხალაძესთან და რუს ბიზნესმენებთან

ეროვნული ბანკის დირექტორი ნათია თურნავა პირდაპირ კავშირშია როგორც ოთარ ფარცხალაძესთან, ისე რუს ბიზნესმენებთან, - ამის შესახებ „დროას“ ლიდერმა ელენე ხოშტარიამ განაცხადა.

აღნიშნულ საკითხზე ხოშტარიამ ბრიფინგი გამართა და განაცხადა, რომ როდესაც თურნავა ეკონომიკის მინისტრი იყო, სამინისტროსა და შპს „საქართველოს ბიზნეს ბროკერიჯს შორის“ მემორანდუმი გაფორმდა, სადაც წერია, რომ სამინისტრო მზადაა, კომპანიას შესაბამისი ლიცენზიებისა და ნებართვების მოპოვებაში ხელი შეუწყოს.

ხოშტარიას ინფორმაციით, აღნიშნული კომპანიის დამფუძნებელი ფარცხალაძის პარტნიორი, რუსი ბიზნესმენი რომან ბოკერიაა.

„ეროვნული ბანკის დირექტორი ნათია თურნავა პირდაპირ კავშირშია როგორც ოთარ ფარცხალაძესთან, ისე რუს ბიზნესმენებთან. პარტია „დროა“ წარმოგიდგენთ დამატებით მტკიცებულებებს, რომლებიც ნათია თურნავას ეკონომიკის მინისტრობის დროსაა ხელმოწერილი ანუ იმ დროს, როდესაც იგი სახელმწიფოს სახელით მოქმედებდა.

კერძოდ, 2021 წელს, როცა თურნავა ეკონომიკის მინისტრი იყო, ფორმდება მემორანდუმი სამინისტროსა და შპს „საქართველოს ბიზნეს ბროკერიჯს“ შორის. მემორანდუმში წერია, რომ სამინისტრო მზადაა, კომპანიას შესაბამისი ლიცენზიებისა და ნებართვების მოპოვებაში ხელი შეუწყოს. მემორანდუმს ხელს აწერს ფარცხალაძის ბიზნეს პარტნიორი რომან ბოკერია, რომელიც საკუთარ თავს რუსეთში საქართველოს ბიზნეს ელჩს უწოდებს. არის კრემლთან დაკავშირებული ბიზნესმენი და „აირზენას“ ყოფილი დირექტორი. იგი საავიაციო და სარკინიგზო მიმოსვლის აღდგენასთან დაკავშირებით გამართული რუსული ფორუმების მონაწილეა.

2022 წლის 15 თებერვალს, რუსეთის იუსტიციის სამინისტრო არეგისტრირებს კომპანიას სახელად შპს „მასკოვსკი ბიზნეს ბროკერიჯ“, რომლის ყველაზე მსხვილი აქციონერი, 50%-იანი წილის მფლობელი, ოთარ ფარცხალაძეა.

რუსეთში დარეგისტრირებული კომპანიის მფლობელი, ოთარ ფარცხალაძესთან ერთად, არის რომან ბოკერიას ცოლი, რუსეთის მოქალაქე ვიქტორია ბოკერია (35%). ვიქტორია ბოკერია 2022 წლის დეკემბერს, რუსეთის დუმის და საქართველოში დაფუძნებულ მოძრაობა სოლიდარობა მშვიდობისთვის ორგანიზებით ჩატარებულ ფორუმში იღებდა მონაწილეობას, სადაც რუს დეპუტატებთან პირდაპირი ავიარეისების აღდგენის შესახებ მოლაპარაკებები მიმდინარეობდა. მოძრაობა სოლიდარობა მშვიდობისთვის განათლების ექსპერტი კი ოთარ ფარცხალაძის შვილი ანზორ ფარცხალაძეა“, - განაცხადა ელენე ხოშტარიამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი