„საერთაშორისო რესპუბლიკური ინსტიტუტის“ მხარდაჭერით პროექტი - „ააშენე საქართველო“ იწყება

საქართველოს პარლამენტის ეროვნულ ბიბლიოთეკაში, საერთაშორისო რესპუბლიკური ინსტიტუტის (IRI) პროექტის „ააშენე საქართველო“ 2023-2024 წლის გახსნითი ღონისძიება 22 სექტემბერს, 19:00 საათზე გაიმართება.

ინფორმაციას საერთაშორისო რესპუბლიკური ინსტიტუტი ავრცელებს.

მათივე ცნობით, ღონისძიებას საქართველოში ამერიკის შეერთებული შტატების მისიის ხელმძღვანელის მოადგილე, ალან ს. პერსელი და საერთაშორისო რესპუბლიკური ინსტიტუტის საქართველოს პროგრამის დირექტორი, ჯონ დიპირო გახსნიან.

„პროექტი „ააშენე საქართველო“ მიზნად ისახავს სხვადასხვა სფეროში წარმატებული ლიდერებისა და წამყვანი ექსპერტების ჩართულობას საქართველოში მიმდინარე პროცესებში, რათა ერთობლივად შეიმუშაონ ქვეყანაში არსებული პრობლემების გადაჭრის გზები. მასში ჩართულია ღია კონკურსის წესით შერჩეული 70 მონაწილე, შემდეგი სამიზნე ჯგუფებიდან: ბიზნესი, სამოქალაქო საზოგადოება, აკადემიური წრეები, რელიგიური ორგანიზაციები, ახალგაზრდები, ხელოვნების და კულტურის წარმომადგენლები.

საერთაშორისო რესპუბლიკური ინსტიტუტი (IRI), ექსპერტ ფასილიტატორების მხარდაჭერით, გამოიყენებს საზოგადოებრივი დიალოგის მიდგომას, რათა შექმნას საერთო საფუძველი სხვადასხვა აქტორებს შორის, რაც ხელს შეუწყობს არაფორმალურ გარემოში, მტკიცებულებებზე დაფუძნებული დისკუსიისა და კომპრომისის გზით, კონსენსუსის მიღწევას“,- აღნიშნულია გავრცელებულ ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?