საქართველოს საგარეო საქმეთა მინისტრმა ილია დარჩიაშვილმა გაერო-ს გენერალური ასამბლეის 78-ე სესიის ფარგლებში, აშშ-ს სახელმწიფო მდივნის მიწვევით ტრანსატლანტიკური ქვეყნების საგარეო საქმეთა მინისტრების შეხვედრაში მიიღო მონაწილეობა.
საქართველოს საგარეო უწყების ცნობით, ღონისძიებას აშშ-ს სახელმწიფო მდივანი ენტონი ბლინკენი, ნატო-ს გენერალური მდივანი იენს სტოლტენბერგი, ევროკავშირის უმაღლესი წარმადგენელი ჯოზეფ ბორელი და ტრანსატლანტიკური ორგანიზაციის წევრი ქვეყნების საგარეო საქმეთა მინისტრები ესწრებოდნენ.
შეხვედრის მთავარი თემა ტრანსლატლანტიკურ სივრცეში არსებული უსაფრთხოების გარემო და არსებული გამოწვევების დაძლევის გზები იყო.