გიორგი ამილახვარმა საქართველოში იაპონიის ელჩთან ჰიდეკი იშიძუკასთან სამუშაო შეხვედრა გამართა

საქართველოს განათლებისა და მეცნიერების მინისტრმა გიორგი ამილახვარმა საქართველოში იაპონიის ახლად დანიშნულ ელჩს ჰიდეკი იშიძუკას უმასპინძლა და მასთან განათლებისა და მეცნიერების მიმართულებით თანამშრომლობის გაძლიერების საკითხები განიხილა.

საქართველოს განათლებისა და მეცნიერების სამინისტროს ცნობით, მინისტრმა ელჩს ახალ თანამდებობაზე წარმატებები უსურვა და აღნიშნა, რომ იაპონიასა და საქართველოს მრავალწლიანი ნაყოფიერი პარტნიორობა აკავშირებთ, რის თვალსაჩინო მაგალითსაც ბოლო წლებში საქართველოს განათლების სისტემაში იაპონიის მთავრობის მხარდაჭერით განხორციელებული არაერთი მნიშვნელოვანი ინიციატივა წარმოადგენს.

„გაცნობითი ხასიათის შეხვედრაზე მხარეებმა სკოლამდელი განათლების საფეხურზე მიმდინარე ერთობლივ პროექტებზე ისაუბრეს და ამ მიმართულებით სამომავლო გეგმებზე იმსჯელეს.

გიორგი ამილახვარმა ასევე ყურადღება გაამახვილა საქართველოსა და იაპონიის უნივერსიტეტებსა და კვლევით ინსტიტუტებს შორის კავშირების გაფართოების მნიშვნელობაზე. მისი თქმით, მხარეები აქტიურად გააგრძელებენ მუშაობას სტუდენტებისა და მკვლევრების მხარდასაჭერად მათთვის კიდევ უფრო მეტი გაცვლითი პროგრამებისა და სხვა შესაძლებლობების უზრუნველყოფის გზით.

თავის მხრივ, იაპონიის ელჩმა დადებითად შეაფასა საქართველოში განხორციელებული საგანმანათლებლო პროექტები და ქართულ მხარესთან თანამშრომლობის გაღრმავების მზაობა გამოთქვა“,- აღნიშნულია უწყებს მიერ გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი