ირაკლი ღარიბაშვილი ლუქსემბურგის დიდი საჰერცოგოს პრემიერ-მინისტრს შეხვდა

პრემიერ-მინისტრი ირაკლი ღარიბაშვილი ლუქსემბურგის დიდი საჰერცოგოს პრემიერ-მინისტრს, ქსავიე ბეტელს შეხვდა.

შეხვედრაზე, რომელიც პრემიერ-მინისტრის ნიუ-იორკში ვიზიტის ფარგლებში გაიმართა, ყურადღება დაეთმო ევროკავშირში საქართველოს ინტეგრაციის პროცესს და ამ მიმართულებით საქართველოს მთავრობის მიერ გადადგმულ ნაბიჯებს. ირაკლი ღარიბაშვილმა ლუქსემბურგის, როგორც ევროკავშირის ერთ-ერთი დამფუძნებელი წევრის, მხარდაჭერის მნიშვნელობას გაუსვა ხაზი და იმედი გამოთქვა, რომ ის შეინარჩუნებს პოლიტიკურ მხარდაჭერას ჩვენი ქვეყნის ევროპულ ოჯახში გაწევრიანების ყველა ეტაპზე. განიხილეს საქართველოს მიერ ევროკავშირის 12 რეკომენდაციის შესრულების დინამიკა. როგორც პრემიერ-მინისტრმა აღნიშნა, საქართველო რეკომენდაციების შესრულების პროცესში მჭიდროდ თანამშრომლობდა ევროკავშირთან და ვენეციის კომისიასთან. მისი თქმით, დარჩენილია რამდენიმე საკითხი, რომლებიც ასევე ევროკავშირის რეკომენდაციების შესაბამისად დარეგულირდება. ირაკლი ღარიბაშვილის თქმით, საქართველო იმსახურებს კანდიდატის სტატუსს და წლის ბოლოს, ევროკავშირისგან ჩვენი ქვეყანა დამსახურებაზე დაფუძნებული, სამართლიანი გადაწყვეტილების მოლოდინშია.

მხარეებმა ხაზი გაუსვეს საქართველოსა და ლუქსემბურგის დიდ საჰერცოგოს შორის ნაყოფიერ თანამშრომლობას როგორც ორმხრივ, ისე მრავალმხრივ ფორმატებსა და საერთაშორისო ორგანიზაციებში. მთავრობის მეთაურის თქმით, ლუქსემბურგს მსოფლიოში ღია და გამჭვირვალე ეკონომიკის რეიტინგში მოწინავე პოზიციები უკავია. ის წარმოადგენს ბიზნესის, კვლევის, ლოჯისტიკისა და საინფორმაციო ტექნოლოგიების განვითარების ძლიერ ცენტრს, საქართველო კი ლუქსემბურგთან ამ მიმართულებით თანამშრომლობის გაღრმავებით არის დაინტერესებული.

ირაკლი ღარიბაშვილმა ლუქსემბურგის პრემიერ-მინისტრს ეკონომიკური მიმართულებით საქართველოს მიერ მიღწეული პროგრესის შესახებ მიაწოდა ინფორმაცია.

მხარეებმა ასევე განიხილეს რეგიონსა და მსოფლიოში უსაფრთხოების კუთხით არსებული გამოწვევები და საქართველოს ოკუპირებულ ტერიტორიებზე არსებული ვითარება.

პრემიერ-მინისტრმა ლუქსემბურგის დიდი საჰერცოგოს პრემიერ-მინისტრს მადლობა გადაუხადა საქართველოს ტერიტორიული მთლიანობისა და სუვერენიტეტის ურყევი მხარდაჭერისთვის.

ინფორმაციას მთავრობის ადმინისტრაცია ავრცელებს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი