გაერო-ს გენერალური მდივნის თანაშემწე - ახალგაზრდობა არის ენერგია, ემოცია და ცვლილებებისკენ სწრაფვა და ეს ყოველივე დღეს ისეთი მნიშვნელოვანია, როგორც არასდროს

სახელმწიფო მინისტრის აპარატის მიერ ორგანიზებულ ღონისძიებაზე „ახალგაზრდები უკეთესი მომავლისთვის“, რომელიც მშვიდობის საერთაშორისო დღესთან დაკავშირებით გაიმართა, საზოგადოებას სიტყვით მიმართა გაერო-ს გენერალური მდივნის თანაშემწემ ევროპის, ცენტრალური აზიისა და ამერიკის საკითხებში მიროსლავ იენჩამ.

ამის შესახებ ინფორმაციას შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ავრცელებს.

როგორც გაერო-ს გენერალური მდივნის თანაშემწემ, მიროსლავ იენჩამ ვიდეომიმართვაში განაცხადა, „ახალგაზრდობა არის ენერგია, ემოცია და ცვლილებებისკენ სწრაფვა და ეს ყოველივე დღეს ისეთი მნიშვნელოვანია, როგორც არასდროს“.

„დიდი სიამოვნებით გიზიარებთ ამ გზავნილს მშვიდობის საერთაშორისო დღესთან დაკავშირებით. განსაკუთრებით მოხარული ვარ, რომ მაქვს შესაძლებლობა მოგმართოთ თქვენ, ქართველ ახალგაზრდებს.

ახალგაზრდობა, როგორც საქართველოში, ისე ყველგან არის მომავალი მდგრადი მშვიდობის მშენებლობისთვის, ადამიანის უფლებების დასაცავად და კავშირების დასამყარებლად გამყოფი ხაზების გასწვრივ, ჩვენი დროის კლიმატური კრიზისების, ეკონომიკური და სოციალური გამოწვევების დასაძლევად.

ახალგაზრდობა არის ენერგია, ემოცია და ცვლილებებისკენ სწრაფვა და ეს ყოველივე დღეს ისეთი მნიშვნელოვანია, როგორც არასდროს.

ბევრი თვალსაზრისით, ამის შესახებ ცნობიერება იზრდება. გაერო-ს უშიშროების საბჭომ აღიარა ახალგაზრდების არსებითი როლი კონფლიქტების პრევენციასა და მოგვარებაში, ეფექტური და სამართლიანი ინსტიტუტების ჩამოყალიბებასა და მდგრადი მშვიდობის უზრუნველყოფაში.

ახალგაზრდობის, მშვიდობისა და უსაფრთხოების დღის წესრიგის მეშვეობით გაერთიანებული ერების ორგანიზაცია ცდილობს უზრუნველყოს, რომ მნიშვნელოვანი საკითხები და ახალგაზრდების პერსპექტივები იყოს ინტეგრირებული ყველაფერში, რასაც ვაკეთებთ. მიუხედავად ამისა, კვლავ ბევრი დაბრკოლებაა. იმისათვის, რომ ახალგაზრდების ხმა ისმოდეს, საჭიროა სტრუქტურული ბარიერების მოხსნა. ახალგაზრდები უნდა იყვნენ ჩართულები, გაძლიერებულები და აღჭურვილნი იმ ინსტრუმენტებით, რომლებიც აუცილებელია პროცესებში მათი სრულყოფილი მონაწილეობისთვის და იმ გადაწყვეტილებებზე გავლენის მოსახდენად, რომლებიც მათ და მთლიანად კაცობრიობას ეხება.

გთხოვთ, შემომიერთდეთ და ერთად ვიზეიმოთ ახალგაზრდობის, მშვიდობისა და უპირველეს ყოვლისა იმედის დღე.

გილოცავთ, მშვიდობის საერთაშორისო დღეს!“, - განაცხადა მიროსლავ იენჩამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024