სამოქალაქო აქტივისტებმა პარლამენტის უკანა  შესასვლელიდან ჭიჭინაძის ქუჩაზე გადაინაცვლეს

სამოქალაქო აქტივისტებმა, რომლებიც პარლამენტის უკანა შესასვლელთან აქციას მართავდნენ, ამ დროისთვის შენობის გვერდით შესასვლელთან, ჭიჭინაძის ქუჩაზე გადაინაცვლეს. აქტივისტები სკანდირებენ „არა რუსულ მთავრობას“.

მათივე თქმით, ყოფილი გენერალური პროკურორი ოთარ ფარცხალაძე, რომელიც რუსეთთან ჯაშუშობისთვის აშშ-მ დაასანქცირა, უნდა დააკავონ.

ამასთან, აქციის მონაწილეებს გაშლილი აქვთ ბანერები, წარწერებით: „გომელაური რუსული ოცნება FSB-ს ჯაშუში“, „სსკ-ის მუხლი 314, ჯაშუშობა ისჯება თავისუფლების აღკვეთით 8-დან 12 წლამდე“.

გარდა ამისა, აქტივისტებს ჩართული აქვთ ხმოვანი სიგნალი გზავნილით: „რუსეთის აგენტებო, გთხოვთ დაიშალოთ, წინააღმდეგ შემთხვევაში თქვენ მიმართ გამოყენებული იქნება საერთაშორისო სანქციები“.

პარლამენტთან გაშლილია სტენდი, სადაც გამოფენილია ყოფილი პრემიერ-მინისტრის, ბიძინა ივანიშვილის, დასანქცირებული მოსამართლეების - ირაკლი შენგელიასა და ლევან მურუსიძის, სებ-ის პრეზიდენტის მოვალეობის შემსრულებლის, ნათია თურნავას და ყოფილი გენერალური პროკურორის, ოთარ ფარცხალაძის ფოტოები. სტენდზე ჩამოკიდებულია ბოტასებიც.

მთლიან პერიმეტრზე სამართალდამცველები არიან განლაგებული.

ინფორმაციისთვის, პარლამენტში ამ წუთებში ეკონომიკის მინისტრ ლევან დავითაშვილს უსმენენ, რამდენიმე საათში კი დეპუტატების კითხვებს შინაგან საქმეთა მინისტრი ვახტანგ გომელაური უპასუხებს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი