„საქართველოს ბანკმა“ ბიზნეს კლიენტებისთვის, სრულიად ახალი კონცეფციის მქონე, მომსახურების კიდევ ერთი სივრცე - 4B ფილიალი გახსნა, რომელიც მომხმარებლების საჭიროებების შესწავლისა და ანალიზის შედეგად შეიქმნა.

„საქართველოს ბანკის“ ინფორმაციით, 4B ის სივრცეა, სადაც „საქართველოს ბანკის“ მცირე და საშუალო პარტნიორი ბიზნესები განსაკუთრებული პირობებითა და შეთავაზებებით სარგებლობენ.

„4B მათ სთავაზობს: პროექტის დაფინანსებაზე მუშაობისას პერსონალური ბანკირის და ფინანსური ანალიტიკოსის მომსახურებას; შეხვედრებს დარგის ექსპერტებთან და შესაძლებლობას მიიღონ მათგან ბიზნეს რჩევები; საინტერესო ბიზნეს ღონისძიებებს; პარტნიორი ორგანიზაციების მიერ სპეციალურად მათთვის შექმნილ შეთავაზებებს (Google Ads, Meta, Linkding ads, Harward Business Review, Shopify და სხვა); შესაძლებლობას დაჯავშნონ და ისარგებლონ სამუშაო სივრცეებით და დაგეგმონ შეხვედრები“, - აღნიშნულია ინფორმაციაში.

ბანკის ცნობითვე, ახალი ფილიალი 20 სექტემბერს, გუდიაშვილის ქ.#2 - ში გაიხსნა.

„ჩვენი გუნდი აქტიურ რეჟიმში განაგრძობს მუშაობას, რათა მომხმარებლებს მათ ინტერესებსა და საჭიროებებზე მორგებული პროდუქტები თუ სერვისები შევთავაზოთ. განსხვავებული კონცეფციის მქონე 4B ფილიალი „საქართველოს ბანკის“ ის სივრცეა, რომელიც შეიქმნა იმისთვის, რომ ბიზნესისთვის კიდევ მეტად კომფორტული გავხადოთ საბანკო სერვისებით სარგებლობა, მხარი დავუჭიროთ მათ საკუთარი ბიზნესის განვითარებასა და წინსვლაში. ამ სივრცეში ბიზნესებს არაერთი საინტერესო სიახლე და კონკრეტულად მათთვის შექმნილი შეთავაზება დახვდებათ. მოხარულები ვართ ამ სიახლით და მიგვაჩნია, რომ ეს სივრცე ახალ შესაძლებლობებს გაუჩენს ჩვენს პარტნიორებს და დაეხმარება მათ ახალ იდეებში, ბიზნესის სწორი მიმართულებით განვითარებაში და ახალი ურთიერთობების დამყარებაში. ჩვენ კი არ ვჩერდებით და აქტიურად ვაგრძელებთ ახალი პროდუქტების შექმნაზე მუშაობას, რომელიც საბანკო სერვისებით სარგებლობის პროცესს მომხმარებლისთვის კიდევ უფრო მეტად გაამარტივებს,“ - განაცხადა გენერალური დირექტორის მოადგილემ, ზურაბ მასურაშვილმა.