გიორგი ამილახვარმა ფრანგული ინსტიტუტის დირექტორ კამი ნორასთან თანამშრომლობის გაძლიერების საკითხები განიხილა

საქართველოს განათლებისა და მეცნიერების მინისტრმა საქართველოს ფრანგული ინსტიტუტის დირექტორ კამი ნორასთან სამუშაო შეხვედრა გამართა და მასთან თანამშრომლობის გაძლიერების პერსპექტივები განიხილა.

საქართველოს განათლებისა და მეცნიერების სამინისტროს ცნობით, გიორგი ამილახვარმა განათლების სისტემის განვითარების კუთხით ხაზი გაუსვა ფრანგულ მხარესთან პარტნიორობის მნიშვნელობას და აღნიშნა, რომ საფრანგეთის მთავრობისა და საელჩოს მხარდაჭერით საქართველოში არაერთი მნიშვნელოვანი საგანმანათლებლო და სამეცნიერო პროექტი ხორციელდება.

„შეხვედრის ფარგლებში მხარეებმა ფრანგულ-ქართული უნივერსიტეტის გაფართოების ხელშეწყობაზე იმსჯელეს. კერძოდ, საუბარი შეეხო პროგრამების დამატებისა და ასევე, საქართველოში დამოუკიდებელი ქართულ-ფრანგული უნივერსიტეტის დაფუძნების საკითხებს.

შეხვედრას ასევე ესწრებოდნენ საფრანგეთის რესპუბლიკის საელჩოს ატაშე უმაღლესი განათლებისა და მეცნიერების საკითხებში, ალექსანდრა რიხტერი და საქართველოს ფრანგული ინსტიტუტის ატაშე ლინგვისტური და საგანმანათლებლო თანამშრომლობის საკითხებში, ქეთევან ქურციკიძე.

პროექტი „ფრანგულ-ქართული უნივერსიტეტი“ 2018 წლიდან ხორციელდება და ის წარმოადგენს მხარეთა ინსტიტუციურ თანამშრომლობას უმაღლესი განათლებისა და სამეცნიერო კვლევის სფეროში, რაც, თავის მხრივ, ითვალისწინებს ფრანგულ და ქართულ უნივერსიტეტებს შორის ერთობლივი პროგრამების შემუშავებასა და საქართველოში ფრანგული დიპლომის გაცემას“,- აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024