დედაქალაქის საკრებულოს სხდომა ხმაურის ფონზე მიმდინარეობს

დედაქალაქის საკრებულოს სხდომა ხმაურის ფონზე მიმდინარეობს. ხმაური ფრაქცია „ქართული ოცნების - დემოკრატიული საქართველოს“ წევრის, კონსტანტინე ზარნაძის სიტყვით გამოსვლას მოჰყვა.

კერძოდ, ზარნაძემ აღნიშნა, რომ იმ დროს, როდესაც მანქანით გადაადგილდებოდა, მასთან „ორი მანქანით მივიდნენ და ლანძღვა დაუწყეს“. როგორც ზარნაძემ განაცხადა, ისინი მას აგინებდნენ, მანქანას კი სტიკერები დააკრეს, რომელიც სალანძღავ სიტყვებს შეიცავდა.

„გუშინ, როდესაც გადავადგილდებოდი, გვერდით ამომიდგა ორი მანქანა, სადაც ისხდნენ გარკვეული პოლიტიკური ძალის აქტივისტები, ერთი ზუსტად ვიცი, რომ „დროა“ იყო, დანარჩენი არ ვიცი, სავარაუდოდ, „ნაციონალური მოძრაობა“ იქნებოდა, ან სხვა პოლიტიკური პარტია. მათ ჩემი მიმართულებით დაიწყეს სალანძღავი სიტყვების ძახილი. მაქვს, მანქანის ნომერიც, ფერიც, გადმოხტნენ მანქანიდან და ჩემს მანქანაზე დააკრეს სტიკერები, სადაც სალანძღავი სიტყვები ეწერა. ჩემს მანქანაში რომ ჩემი მეგობარი ყოფილიყო, რომელიც საერთოდ არ არის ჩახედული პოლიტიკურ ცხოვრებაში, გადახტებოდა და დაამტვრევდა კბილებს, ეს არის სამოქალაქო დაპირისპირების პროვოცირება“,- აღნიშნა ზარნაძემ.

აღნიშნულს გამოეხმაურა თბილისის საკრებულოს ფრაქცია „ერთიანი „ნაციონალური მოძრაობის“ წევრი ნინო კვიტაიშვილი. როგორც მან აღნიშნა, კოტე ზარნაძემ „აღნიშნულ პირებს შუა თითი უჩვენა“.

აღნიშნული განცხადების საპასუხოდ ზარნაძემ აღნიშნა: „მე დავიწყე?!“.

„შუა თითი ვაჩვენე კი არა მაგინებს, მლანძღეს და სტიკერები დამაკრეს-მეთქი! როდის ვაჩვენე შუა თითი?! სამოქალაქო დაპირისპირება გინდათ მიიღოთ? მე მივვარდი ჩემთვის. სწორია ეს დამოკიდებულება? დამიჭირეს, მლანძღეს და მაგინეს, რა შუა თითი ვაჩვენე“,- აღნიშნა ზარნაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს