მამუკა მდინარაძე - ვიოლა ფონ კრამონი არის იმ სისტემის ნაწილი, ერთ-ერთი ინსტრუმენტი, რომელიც თავისი განცხადებებით საქართველოში დაძაბულობის კერებს ქმნის

ვიოლა ფონ კრამონი არის იმ სისტემის ნაწილი, ერთ-ერთი ინსტრუმენტი, რომელიც საქართველოში დაძაბულობის კერებს ქმნის თავისი განცხადებებით - ასე გამოეხმაურა „ქართული ოცნების“ აღმასრულებელი მდივანი მამუკა მდინარაძე ევროპარლამენტარ ვიოლა ფონ კრამონის განცხადებას, იმის შესახებ, რომ „ქართველი ხალხი იმსახურებს ევროკავშირში ყოფნას, თუნდაც მათი ამჟამინდელი მთავრობა ამას არ იმსახურებდეს, დროა, ქართველი ხალხისგან სიგნალი მივიღოთ და ვიბრძოლოთ ევროპული მომავლისთვის.

მამუკა მდინარაძის თქმით, ვიოლა ფონ კრამონი გამოირჩევა აგრესიით საქართველოსა და მისი ხელისუფლების მიმართ და ჩართულია საქართველოსა და მისი ხელისუფლების პიარული გარუსების კამპანიაში.

„ვიოლა ფონ კრამონი არის იმ სისტემის ნაწილი, ერთ-ერთი ინსტრუმენტი, რომელიც საქართველოში დაძაბულობის კერებს ქმნის თავისი განცხადებებით. ის არის იმ სულ რამდენიმე ჩვენს კოლეგას შორის, რომლებიც განსაკუთრებით გამოირჩევიან წარსულის ბნელი პარტიის მხარდაჭერით. ისინი არ არიან დავალების მიმცემები, ისინი თავად იღებენ იგივე წყაროებიდან დავალებებს, როგორ დავალებებსაც და ვისგანაც იღებენ ჩვენი ძვირფასი ოპონენტები საქართველოს პარლამენტში, გამოირჩევა აგრესიით საქართველოსა და მისი ხელისუფლების მიმართ და ჩართულია საქართველოსა და მისი ხელისუფლების პიარული გარუსების კამპანიაში. ბოლო დროის ეს ყველაზე მავნებლური კამპანია, მათ შორის ქალბატონი ვიოლას, როგორც ერთ-ერთი შემსრულებლის ავტორობითაც გვევლინება ხოლმე“, - განაცხადა მამუკა მდინარაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024