მედიაპროექტი „გოგონები აფხაზეთიდან“ მშვიდობის ჯილდოს მფლობელი გახდა

მედიაპროექტი „გოგონები აფხაზეთიდან“ მშვიდობის ჯილდოს მფლობელი გახდა. აღნიშნულთან დაკავშირებით ინფორმაციას აფხაზეთის მთავრობა ავრცელებს.

მათი ცნობით, მშვიდობის საერთაშორისო დღესთან დაკავშირებით გამართულ ღონისძიებაზე აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, მილენა აჟიბასა და ნინო პაპავას კონკურსში გამარჯვება პირადად მიულოცა და შემდგომი წარმატებები უსურვა.

„აფხაზეთის საინფორმაციო ანალიტიკური ცენტრის მედია პროექტმა „საუკეთესო სამშვიდობო იდეა“ ნომინაციაში გაიმარჯვა. დაჯილდოების ცერემონიალი მშვიდობის საერთაშორისო დღესთან დაკავშირებით გაიმართა და მისი ინიციატორი სახელმწიფო მინისტრის აპარატი გახლდათ. გარდა პრემიისა, გაერო-ს განვითარების პროგრამის (UNDP) წარმომადგენელმა „გოგონები აფხაზეთიდან“ მხარდაჭერის ინიციატივა გამოხატეს, ხოლო ევროპის საბჭოს ხელშეწყობითა და უშუალო ჩართულობით, გამარჯვებული ახალგაზრდები ქალაქ სტრასბურგში მონაწილეობას მიიღებენ დემოკრატიის მსოფლიო ფორუმში.

მედიაპროექტს „გოგონები აფხაზეთიდან“ აფხაზეთის ა/რ საინფორმაციო ანალიტიკური ცენტრი მიმდინარე წლის თებერვლიდან ახორციელებს. ვლოგებში ნაჩვენებია ეთნიკური აფხაზი მილენა აჟიბასა და ქართველი ნინო პაპავას მეგობრობა და მოგზაურობა საქართველოს რეგიონებში. პროექტის ფარგლებში გოგონები ებრძვიან დეზინფორმაციას, რომელიც ოკუპირებულ ტერიტორიაზე ვრცელდება, ამასთან აჩვენებს, თუ როგორ ვითარდება სამხედრო კონფლიქტის შემდეგ საქართველოს სხვადასხვა რეგიონები.

მომავალი წლიდან მედიაპროექტის ფარგლებში აფხაზეთში იგეგმება გავრცელებული ცრუ ინფორმაციების საპირისპირო ვიდეოების ჩაწერა, სიუჟეტების გადაღება პროგრამებზე, რომელსაც საქართველოს ხელისუფლება ოკუპირებულ ტერიტორიებზე მცხოვრები მოსახლეობისთვის ახორციელებს.

„მშვიდობის ჯილდო ახალგაზრდებისთვის“ დაწესებულია შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის მიერ 2021 წელს და ყოველწლიურად გადაეცემა ახალგაზრდას, ან ახალგაზრდების ჯგუფის, მათ შორის ოკუპირებული ტერიტორიებიდან, რომლებსაც საქართველოს მთავრობის კონფლიქტის მშვიდობიანი მოგვარების პოლიტიკის მიზნებისა და ამოცანების გათვალისწინებით, საკუთარი საქმიანობითა და აქტივობით განსაკუთრებული წვლილი შეაქვთ მშვიდობის მშენებლობის და ომით გაყოფილ საზოგადოებებს შორის შერიგებისა და ნდობის აღდგენის, ასევე კონფლიქტით დაზარალებულ მოსახლეობაზე ზრუნვის პროცესში.

წელს მშვიდობის ჯილდო სამ ნომინაციაში „საუკეთესო სამშვიდობო საქმიანობა“, „საუკეთესო სამშვიდობო იდეა“ და „საუკეთესო სამშვიდობო გზავნილი“ გაიცა. საუკეთესო სამშვიდობო საქმიანობისთვის პრემია დაურ ბუავამ ხოლო სამშვიდობო გზავნილისთვის ნინო რიგავამ მიიღეს“, - აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024