კონსტანტინე ზარნაძე ოპოზიციას - თქვენ სამოქალაქო დაპირისპირება გინდათ

ჩვენთვის სავსებით გასაგებია, თუ რა მიმართულებით აპირებს ოპოზიცია არჩევნების დღემდე მისვლას, - ამის შესახებ თბილისის საკრებულოს დღევანდელ სხდომაზე თბილისის საკრებულოს წევრმა კონსტანტინე ზარნაძემ განაცხადა.

მისივე თქმით, ძალიან მძიმე სანახავია ოპოზიციის ქმედებები, მათ ეტყობათ, რომ იმ წლებში სურთ დაბრუნება, რომელი წლებიც ქართველმა ხალხმა უკვე გაიარა.

კონსტანტინე ზარნაძემ საკრებულოს სხდომაზე იმ ინციდენტზე ისაუბრა, რომელიც პირადად მას შეემთხვა გუშინ. დეპუტატის თქმით, უსაფრთხოების სამსახურის მიერ გავრცელებული განცხადება იმის შესახებ, რომ ქვეყანაში დესტაბილიზაციის მოწყობა იგეგმება, სრული სიმართლეა.

კონსტანტინე ზარნაძის თქმით, გუშინ მანქანით მგზავრობისას მას გვერდით ამოუდგა ორი ავტომობილი, რომლებში მსხდომმა სხვადასხვა ოპოზიციური პარტიის წარმომადგენელმა ახალგაზრდებმა სიტყვიერი შეურაცხყოფა მიაყენეს.

„მაქვს მანქანის ნომერიც, ფერიც. ისინი გადმოხტნენ თავიანთი მანქანიდან და ჩემს ავტომობილს დააკრეს სტიკერები, რომლებზეც სალანძღავი სიტყვები ეწერა. ეს სამოქალაქო დაპირისპირების მცდელობაა“, - განაცხადა კონსტანტინე ზარნაძემ.

„აქეთკენ მიდიხართ? ქვეყანა არეულობამდე გინდათ მიიყვანოთ? სამოქალაქო დაპირისპირება გინდათ მიიღოთ? ეს არის თქვენი მიმართულება? ცეცხლს ეთამაშებით, არავინ არაფრის დათმობას არ აპირებს, იცოდეთ“, - განაცხადა საკრებულოს წევრმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024