პროკურორის განცხადებით, ჰაბიდოსკოპიურმა ექსპერტებმა შემთხვევის ადგილზე ლაზარე გრიგორიადისის ყოფნა დაადასტურეს

პოლიციელების ჯანმრთელობის ხელყოფისა და სახელმწიფო ქონების განადგურების ფაქტებზე ბრალდებული ლაზარე გრიგორიადისის სასამართლო პროცესზე დღეს 4 მოწმე დაიკითხება.

როგორც სხდომის დაწყებამდე საქმის პროკურორმა თამარ იაკობიძემ განაცხადა, მოწმეებს შორის არიან პოლიციელები და ექსპერტები.

იაკობიძის თქმითვე, სასამართლოში ჩვენებას ჰაბიდოსკოპიური ექსპერტები მისცემენ, რომლებმაც ვიდეოჩანაწერზე ექსპერტიზა ჩაატარეს და შემთხვევის ადგილზე ლაზარე გრიგორიადისის ყოფნა დაადასტურეს.

“დღევანდელ სასამართლო პროცესზე ბრალდების მხარე აგრძელებს მტკიცებულებების გამოკვლევას. დღეს დაიკითხება 4 მოწმე, მათ შორის დაიკითხება ორი ექსპერტი, ჰაბიდოსკოპიური ექსპერტიზის გამცემი ექსპერტები, ასევე დაიკითხებიან პოლიციის თანამშრომლები.

მოცემულ შემთხვევაში ჰაბიდოსკოპიური ექსპერტიზის მიერ შესწავლილ იქნა ვიდეო ჩანაწერები და დადგინდა კონკრეტულ ეპიზოდში ლაზარე გრიგორიადისის შემთხვევის ადგილზე ყოფნის ფაქტი. როგორ დაადგინა, ამ დეტალებზე სასამართლოს დეტალურ ინფორმაციას ექსპერტი მიაწვდის სასამართლო პროცესზე. მოხდა ვიზუალური ამოცნობა“, - განაცხადა იაკობიძემ.

ცნობისთვის, ლაზარე გრიგორიადისს, რომელსაც პოლიციელების ჯანმრთელობის ხელყოფისა და სახელმწიფო ქონების განადგურების ფაქტებზე ედება ბრალი, აღკვეთის ღონისძიების სახით პატიმრობა 31 მარტს შეეფარდა.

გამოძიების ინფორმაციით, ბრალდებულმა 7 მარტს, რუსთაველის გამზირზე გამართული აქციის მიმდინარეობისას, 9 აპრილის ქუჩაზე შს სამინისტროს განსაკუთრებულ დავალებათა დეპარტამენტის თანამშრომლების მიმართულებით, რომლებიც სამსახურებრივ მოვალეობას ასრულებდნენ, ორჯერ ისროლა ე.წ. „მოლოტოვის კოქტეილი“.

ასევე, ბრალდებულმა 9 მარტს, ჭანტურიას ქუჩაზე, განზრახ წაუკიდა ცეცხლი შინაგან საქმეთა სამინისტროს კუთვნილ „ტოიოტა კოროლას“ მოდელის ავტომანქანას, რომელიც ადგილზე დაიწვა. ამ ქმედების შედეგად, სახელმწიფო ბიუჯეტს 39 500 ლარის ქონებრივი ზიანი მიადგა.

ლაზარე გრიგორიადისს ბრალდება საქართველოს სისხლის სამართლის კოდექსის 353-ე პრიმა მუხლის მეორე ნაწილით (პოლიციელის ჯანმრთელობის ხელყოფა მის სამსახურებრივ საქმიანობასთან დაკავშირებით) და 187-ე მუხლის მეორე ნაწილის „ა“ ქვეპუნქტით (სხვისი ნივთის განადგურება, ცეცხლის წაკიდებით) წარედგინა, რაც სასჯელის ზომად 7-დან 11 წლამდე თავისუფლების აღკვეთას ითვალისწინებს.

7-8 მარტის საქმეზე სისხლის სამართლის კოდექსით ჯამში, 6 პირი დააკავეს, მათგან 5 ბრალდებული გირაოს სანაცვლოდ არის გათავისუფლებული.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024