ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის თავმჯდომარე ლევან არველაძე საკრებულოში მიმდინარე სხდომაზე ეროვნული ბანკის მიმართ ოპოზიციის მიერ გაკეთებულ განცხადებებს გამოეხმაურა.
ლევან არველაძემ ოპოზიციონერ კოლეგებს მოუწოდა, ნუ გააკეთებენ ქვეყნის ეკონომიკისთვის საზიანო განცხადებებს.
„მთავარი საფინანსო ინსტიტუტის მიმართ თქვენ მიერ გაჟღერებული ბრალდებები არასწორია. არ შეიძლება ისეთი განცხადებების კეთება, რომ თითქოს ეროვნული ბანკი ჩამოიშალა და დაინგრა. ეს ყველაფერი ქვეყნის ეკონომიკაზე მოქმედებს. ძალიან გთხოვთ, თავი შეიკავოთ ასეთი გამოსვლებისგან და ნუ გააკეთებთ ქვეყნის ეკონომიკისთვის საზიანო განცხადებებს. მით უმეტეს, რომ ბანკის საქმიანობას არანაირი პრობლემა არ შეჰქმნია და საქართველოს პარლამენტმა უკვე მხარი დაუჭირა ბანკის ვიცე-პრეზიდენტობის ორ კანდიდატს“, - განაცხადა ლევან არველაძემ, რომლის კომენტარსაც დედაქალაქის საკრებულო ავრცელებს.