ლანა გალდავა - შინაგან საქმეთა მინისტრის პირდაპირი პასუხისმგებლობა შეუსრულებელ ვალდებულებებშია

შინაგან საქმეთა მინისტრის პირდაპირი პასუხისმგებლობა შეუსრულებელ ვალდებულებებშია - ამის შესახებ „ლელოს“ საპარლამენტო მდივანი ლანა გალდავა სოციალურ ქსელში წერს და შს მინისტრის ვახტანგ გომელაურის ინტერპელაციას ეხმაურება შოვის ტრაგედიასთან დაკავშირებით.

მისი თქმით, შეკითხვები ბევრია და პასუხები არ არის.

"რაც შეეხება შს მინისტრის, ვახტანგ გომელაურის ინტერპელაციას შოვის ტრაგედიის თემაზე!

შინაგან საქმეთა მინისტრი ამავდროულად არის ეროვნული უსაფრთხოების საბჭოს მდივანი. შესაბამისად, ქვეყანაში ეროვნული მასშტაბის კრიზისის ეფექტიანი მართვის კოორდინაცია ეხება მას. ზემოაღნიშნული მიზნით, ეროვნული უსაფრთხოების საბჭოს აპარატში შექმნილია კრიზისული ვითარების მართვის ეროვნული ცენტრი (დეპარტამენტი) და მის დაქვემდებარებაში არსებული - ეროვნული სიტუაციური ოთახი.

მოწვეულ იქნა ეროვნული უსაფრთხოების საბჭოს სხდომა? ყველაფერს რომ თავი დავანებოთ, როგორც წესი, 3 თვეში ერთხელ უნდა იქნას გამართული. ამოქმედდა ეროვნული სიტუაციური ოთახი? შეკითხვა ბევრია, მათ შორის, უშუალოდ ადრესატებთან გაგზავნილი და პასუხი, სამწუხაროდ, არა.

სწორედ ზემოაღნიშნულ შეუსრულებელ ვალდებულებებშია შინაგან საქმეთა მინისტრის პირდაპირი პასუხისმგებლობა”, - წერს ლანა გალდავა სოციალურ ქსელში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?