ზურაბ ჩიკვილაძე - გაფანტული სკლეროზის დიაგნოზის მქონე პირების მედიკამენტებით და კვლევებით სრულად დაფინანსება თბილისის მერიის და  საკრებულოს უმნიშვნელოვანესი გადაწყვეტილებაა

თბილისის მერია გაფანტული სკლეროზის დიაგნოზის მქონე დედაქალაქის მაცხოვრებლებს საჭირო კვლევებს და მედიკამენტებს სრულად დაუფინანსებს. გადაწყვეტილება ამის შესახებ დღეს თბილისის საკრებულოს სხდომაზე დაამტკიცეს. ინფორმაციას თბილისის საკრებულო ავრცელებს.

როგორც თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარემ, ზურაბ ჩიკვილაძემ, განაცხადა, დღევანდელი გადაწყვეტილება ერთმნიშვნელოვნად გააუმჯობესებს აღნიშნული დიაგნოზის მქონე ადამიანების მდგომარეობას.

„დღეს საკრებულოს სხდომაზე უმნიშვნელოვანესი გადაწყვეტილება მივიღეთ, რომლის თანახმად, გაფანტული სკლეროზის დიაგნოზის მქონე ჩვენს თანამოქალაქეებს საჭირო კვლევები და მედიკამენტები 100%-ით დაუფინანსდებათ. აღნიშნული ჩვენი გუნდის მუშაობის შედეგია. ეს გადაწყვეტილება ჩვენი თანამოქალაქეების კეთილდღეობის გარანტია გახდება“, - განაცხადა ზურაბ ჩიკვილაძემ.

აღსანიშნავია, რომ პროგრამით მოსარგებლეები 15-დან 60 წლის ასაკის ჩათვლით ჩვენი თანამოქალაქეები არიან და ერთი მოქალაქის მედიკამენტების და მაღალტექნოლოგიური კვლევების დასაფინანსებლად წელიწადში 25 ათას ლარამდე თანხა არის გათვალისწინებული. პროგრამის ბიუჯეტი 2 676 500 ლარია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024