შალვა კერესელიძე - მიზანშეწონილად მიგვაჩნია მოხდეს გარემოს დაცვისა და სოფლის მეურნეობის სამინისტროების გაყოფა

შოვის ტრაგიკულმა მაგალითმა გვაჩვენა, რომ გარდაუვალი აუცილებლობაა კატასტროფის რისკების შემცირების პოლიტიკის გაძლიერება და რეალურად ქმედითი ნაბიჯების გადადგმა , - ამის შესახებ პოლიტიკური ჯგუფი „საქართველოსთვის" წევრმა შალვა კერესელიძემ პარლამენტის პლენარულ სხდომაზე განაცხადა, სადაც ინტერპელაციის წესით შინაგან საქმეთა მინისტრს ვახტანგ გომელაურს მოუსმინეს.

დეპუტატმა სახელმწიფო უწყებებს შორის სწორი კოორდინაციის მნიშვნელობაზე გაამახვილა ყურადღება და პოლიტიკური ჯგუფის ინიციატივაზე ისაუბრა.

„შოვში დატრიალებულმა მოვლენებმა კიდევ ერთხელ დაგვანახა რომ სახეზე გვაქვს სამსახურებრივი გულგრილობის, უპასუხისმგებლობის, გარემოსდაცვითი ღონისძიებების და სტიქიური უბედურებების მართვის სისტემური ნაკლოვანებები. ხვალ იგივე რეალობაში რომ აღარ აღმოვჩნდეთ, აუცილებელია მოგვარდეს ისეთი პრობლემური საკითხები, როგორიც არის სახელმწიფო უწყებებს შორის სწორი და თანმიმდევრული კოორდინაცია. მკაცრი გარემოსდაცვითი პოლიტიკის გატარების, მისი ჯეროვნად აღსრულების, ეფექტიანად მართვის და სახელმწიფოებრივი მხარდაჭერის მიზნით, მიზანშეწონილად მიგვაჩნია მოხდეს გარემოს დაცვისა და სოფლის მეურნეობის სამინისტროების გაყოფა, რაც თავისი არსით გულისხმობს გარემოსდაცვითი კომპონენტის გამოყოფას სოფლის მეურნეობიდან. გარემოს დაცვისა და ბუნებრივი რესურსების სამინისტრო ჩამოყალიბდეს დამოუკიდებელ უწყებად, სადაც გაერთიანდება ამ საქმიანობით და ფუნქციებით აღჭურვილი ყველა შესაბამისი სამსახურები, მათ შორის სამეცნიერო დაწესებულებებიც", - განაცხადა შალვა კერესელიძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი