მიხეილ სარჯველაძე ოპოზიციაზე - ინტერპელაცია  გაკეთებული იყო არა იმისთვის, რომ ვინმეს შოვის ტრაგედიის მიმართ სოლიდარობის განცდა აქვს, არამედ პოლიტიკური პერფორმანსის გამართვა უნდოდათ

ის, რასაც ოპოზიციის დიდი ნაწილისგან ვისმენთ, სამწუხაროდ, გვარწმუნებს იმაში, რომ ჩვენს ქვეყანაში არიან ადამიანები, რომლებიც „ნეონაცისტური“ პრაქტიკის დანერგვას ცდილობენ ჩვენს ქვეყანაში და ასეთი სტილით ცხოვრებას ნერგავენ, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ პარლამენტის პლენარულ სხდომაზე განაცხადა, სადაც შინაგან საქმეთა მინისტრს, ვახტანგ გომელაურს, შოვის სტიქიასთან დაკავშირებით ინტერპელაციის წესით უსმენენ.

მისი თქმით, ოპოზიცია ხელისუფლებას აბსოლუტურად უსაფუძვლოდ საყვედურობს.

„ანა წითლიძე გამოვიდა სიტყვით, შოვთან დაკავშირებულ ინტერპელაციაზე საერთოდ არ უსაუბრია და მინისტრს საყვედური უთხრა, კონკრეტულ პასუხებს რატომ არ იძლევიო - უცნაურად გამოიყურება ეს ყველაფერი. თვითონ მართლა კონკრეტული არაფერი აქვთ სათქმელი ოპოზიციაში და აბსოლუტურად უსაფუძვლოდ სხვას საყვედურობენ. მგონია, რომ თითოეულ საკითხთან დაკავშირებით, რაც შეიძლება შოვთან დაკავშირებით საინტერესო ყოფილიყო, აბსოლუტურად ამომწურავი, გასაგები პასუხები გაეცა, თუმცა, უნდა ვთქვათ, რომ ეს ყველაფერი ისედაც ყველასთვის გასაგები იყო. ვისაც საკითხის ინტერესი ჰქონდა, ყველამ ყველაფერი გაიგო მანამდეც, ვიდრე ინტერპელაცია გაიმართებოდა. უბრალოდ, როდესაც უსმენენ ბატონ ვაშაძეს ან ხაბეიშვილს, იქ ხომ გასაგებია, ეს ინტერპელაცია იყო გაკეთებული არა იმისთვის, რომ ვინმეს შოვის ტრაგედიის მიმართ სოლიდარობის განცდა აქვს ან ტრაგედიად აღიქვამს, ან კონკრეტული კითხვები აქვს საკითხთან დაკავშირებით, არამედ მხოლოდ და მხოლოდ პოლიტიკური პერფორმანსის გამართვა უნდოდათ“, - განაცხადა სარჯველაძემ.

მისი თქმით, ფსკერს ქვემოთ დგომაა ადამიანების მხრიდან გაჟღერებული საყვედურები, რაც ოჯახურ ტრაგედიას უკავშირდება.

„ეს არის სრული ამორალურობა. ასეთი რამ უბრალოდ არ უნდა იკადრო“, - განაცხადა სარჯველაძემ პირადად შს მინისტრის ოჯახურ მდგომარეობაზე საუბრისას.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი